اسلام آباد: پاکستان کښې د ګرانۍ شرح کښې کمي سلسله جاري ده، څښکال فرورۍ کښې په ماهانه بنيادونو د نهه نيم کالو کښې کم ترين سطح يو اعشاريه يو پنځوس فيصد ته راکمه شوې ۔
بلخوا اداره شماريات خپل رپورټ کښې وئيلي دي چې فرورۍ مياشت کښې د ګرانۍ شرح يو اعشاريه پنځه فيصده ريکارډ شوې، ولې جنورۍ کښې ګراني دوه اعشاريه څلور فيصده ريکارډ شوې وه ۔
بروکريج فرم ټاپ لائنز سيکيورټيز رپورټ ترمخه پاکستان کښې د کنزيومر پرائس انډيکس سره پيمائش کړې شوې ګراني فرورۍ کښې يو اعشايه پنځه فيصده پاتې شوې ده، کومه چې يوسل ديارلس مياشتو کښې کم ترين شرح ده ۔
رپورټ مطابق ګرانۍ شرح کښې د مارکيټ توقعاتو نه سيوا کمې راغلې دې، ولې مالي کال ابتدائي اتو مياشتو دوران اوسط ګرانۍ شرح پنځه اعشاريه پنځه اتيا فيصده ريکارډ شوېده، کومه چې تير مالي کال دغه موده کښې اووه ويشت اعشاريه نهه شپږ فيصده وه ۔
بلخوا اداره شماريات رپورټ ترمخه ګرانۍ شرح يو اعشاريه پينځه فيصده ريکارډ شوېده، ولې جنورۍ کښې د ګرانۍ شرح دوه اعشاريه څلور فيصده ريکارډ شوې وه ۔
تير کال فرورۍ کښې ګرانۍ شرځ درې ويشت اعشاريه يو فيصده وه، او څښکال فرورۍ مياشت کښې د جنورۍ مياشت په مقابله کښې صفر اعشاريه اته فيصده کمي شوېده ۔
