بنو کښي ترهه ګرو د مقامي امن کميټۍ په دفتر حمله کړې ده، ترهه ګرو د امن کميټۍ په دفتر ناترڅه ډزې کړي، چې پکښې اووۀ کسان پحق رسيدلي او يو ژوبل شويدې، د امن کميټۍ غړو، عام خلقو او پوليس مشترکه کاروائۍ دوران دوه ترهه ګر وژلي شوي او بعضې نور ژوبل شويدي ۔
بنو: پوليس چارواکو مطابق د بنو هويد تهانړي حدود کشمير درداړيز سيمه کښې ترهه ګرو د مقامي امن کميټۍ په دفتر حمله کړې او ناترڅه ډزې ئې کړېدي ۔
د ترهه ګرو ډزو وروستو د امن کميټۍ غړو او حمله کونکو ترمينځ د ډزو تبادله کښې د امن کميټۍ اووۀ کسان پحق رسيدلي او يو کس سخت ژوبل شويدې ۔
د ترهه ګرو حملې نه پس مقامي امن کميټۍ جوماتونو کښې اعلانونه کړي وو، چې وروستو بيا د پوليس لويه نفري او نور عام خلق بهر راغلي وو او د ترهه ګرو خلاف ئې مشترکه کاروائي هم کړېده ۔
پوليس وئيلي چې دغه مشترکه کاروائۍ دوران دوه ترهه ګر وژلي شوي، او دې دوران د بعضې نور ترهه ګرو د ژوبل کيدو هم اطلاعات راغلي دي ۔
