د پاکستان کرکټ بورډ چيئرمين محسن نقوي وئيلي دي چې بهارت سره به د برابرۍ په بنياد خبرې کيږي، هاغه ورځې لاړې چې بهارت نه به دمذاکراتو خيرات غوښتې کيدو ، محسن نقوي طمع څرګند کړې چې قامي ټيم به ايشا کپ کښې د بهترين کارکردګۍ مظاهري کوي او بهارت خلاف به هم د قامي لوبغاړي غوره لوبه په نظر راځي ۔
لاهور کښې ميډيا سره خبرو پر مهال د پي سي بي چيئرمين اووئيل چې د قامي ټيم د لوبغاړو د انتخاب فيصله ايډوائزري او سليکشن کميټي کوي، زما پکښې يو فيصد هم حصه نيشته ۔
د يو سوال جواب کېښ چيئرمين پي سي بي اووئيل چې د محمد رضوان د ون ډے ټيم کپتان برقرار ساتلو او بابراعظم ټيم کښې شموليت کښې زما هيڅ کردار نيشته، دا کار د سليکشن کميټۍ دې، او دغه کميټۍ ته په ميرټ د فيصلو هدايت کړې شويدې ۔
محسن نقوي اووئيل چې يو اے اي کښې شيډول ايشيا کپ او بهارت خلاف اهم ميچ کښې به قامي ټيم بهترينه کارکردګي ښائي او ميچ به د کتو وي ۔
هغه اووئيل چې زمونږ کوشش دې چې نوې ټيلنټ مخې ته راشي او قامي ټيم ته زياته نه زياته فائده اورسي ۔
محسن نقوي زياته کړې چې لوبو په معامله به اوس بهارت سره د برابرۍ په بنياد خبرې کيږي ، هاغه ورځې تيرې شوې چې مونږ به ورله د مذاکراتو منتونه کول ۔
