د ټي ټوينټي ورلډ کپ شپاړسم او اوولسم ميچونو کښې سري لنکا اور اټلي کامياب شوي ، ولې عُمان او نيپال ته شکست شوې دې ۔سري لنکا په يو سل، پنځه رنز عُمان ته او اټلي په لس وکټو نيپال ته ماتې ورکړېدې ۔
پالے کلے ګراؤنډ کښې لوبيدلې د ټي ټوينټي ورلډ کپ شپاړسم ميچ کښې عُمان خلاف سري لنکا ټيم مقرره اوورز کښې پنځه وکټو په زيان دوه سوه، اووه ويشت رنز جوړ کړي وو ، چې پکښې ټولو نه زيات کوسال مينډس يو شپيتۀ ، پَون رتناياکے جارحانه شپيتۀ او دسون شناکا پنځوس رنز جوړ کړي وو ۔
د مقرره هدف په تعاقب کښې عُمان نهه وکټو په زيان يو سل، شل رنز جوړ کړي او په يوسل، پنځه رنز ئې ميچ بيللې دې، عُمان طرف نه ټولو نه زيات محمد نديم دري پنځوس او وسيم علي اووۀ ويشت رنز جوړ کړي وو ۔
د سري لنکا لخوا دشمانتها چيما او مهيش تهيکشانا دوه، دوه وکټې په خپل نوم کړېدي، جارحانه شپيتۀ رنز جوړولو باندې د سري لنکا بېټر پَون رتناياکے د ميچ بهترين لوبغاړې ګرځولې شويدې ۔
بلخوا ممبئي کښې لوبيدلې د ايونټ اوولسم ميچ کښې اټلي ټاس ګټلې وو او د فيلډنګ فيصله ئې کړې وه، د نيپال ټول ټيم آخري اوور کښې يو سل ، دري ويشت رنز باندې آؤټ شوې وو، چې پکښې ټولو نه زيات عارف شيخ اووه ويشت او روهت پوډيل دري ويشت رنز جوړ کړي وو ۔
اټلي طرف نه کريشان شاندار بولنګ کړې وو او درې وکټې ئې په خپل نوم کړې وې، د اټلي ټيم مقرره هدف ديالسم اوور کښې بغير د څه نقصان آسانۍ سره پورا کړې او په لس وکټو ئې ميچ ګټلې دې ۔
اټلي طرف نه اينتهوني موسکا دوه شپيتۀ او جسټن موسکا شپيتۀ رنز جوړ کړي وو او ناټ آؤټ پاتې شوي وو، شاندار بولنګ باندې د اټلي کريشان د ميچ بهترين لوبغاړي ګرځولې شويدې ۔
