بنو کښې ايف سي هيډکوارټرز باندې خودکش حمله شوې، سيکيورټي فورسز جوابي کاروائۍ کښې پنځه ترهه ګر وژلي شوي، ترهه ګرو سره د ډزو تبادله کښې شپږ اهلکاران شهيدان شويدي ۔
د پاک فوج اطلاعاتو شعبې له لوري جاري بيان ترمخه بنو کښې د فيډرل کانسټيبلري يعنې ايف په هيډکوارترز باندې د ترهه ګرو بزدلانه حمله ناکامه کړې شوې ده، بهارتي مرستال ترهه ګرو سحر د هيډکوارټر بهرني سيکيورټي ماتولو کوشش کړې وو ۔
آئي ايس پي آر وئيلي چې د ترهه ګرو حملې وروستو بهادر ځوانانو فوري او مؤثر کاروائي کړې او د ترهه ګرو عزائم ئې ناکامه کړې، ولې ترهه ګرو د مايوسۍ نه پس د بارودو نه ډک ګاډې د هيډکوارټرز بهرني ديوال سره جنګولې، چې ورسره ديوال ړنګ شويدې ۔
آئي ايس پي آر مخکښې وئيلي دي چې د ترهه ګرو حمله کښې نيزدې آبادۍ ته هم زيان رسيدلې او د خودکش حملې نتيجه کښې درې عام کسان هم ژوبل شويدي ۔
بيان کښې زياته کړې شوې چې سيکيورټي فورسز د جرات او پيشه ورانه مهارت مظاهره کړې او بهارتي پراکسي ګروه ټول پنځه ترهه ګر ئې وژلي دي ۔
د آئي ايس پي آر بيان مطابق حمله کونکو سره د ډزو تبادله کښې د پاک فوج او فيډرل کانسټيبلري يعنې ايف سي شپږ بهادر ځوانان شهيدان شوي او په خپل وطن ئې ځان قربان کړېدې ۔
آئي ايس پي آر دا هم وئيلي چې علاقه کښې کليئرنس آپريشن جاري دې، داسې بزدلانه حملې منصوبه ساز به هر صورت کښې خپل انجام ته رسولې شي،د پاکستان سيکورټي فورسز ټول قام سره اوګه په اوګه د بهارتي سرپرستۍ کښې کيدونکې ترهه ګري د جرړو نه ختمولو لپاره ژمن دي ۔
د پاک فوج بيان کښې زياته کړې شوې چې زمونږ بهادر ځوانان او معصومه خلقو قربانۍ زمونږ عزم نور هم مضبوطوي او د خپل وطن دفاع به په هر قيمت يقيني کولې شي ۔
