د کرک سرحدي غريزې سيمې کرکنډو کښې د ترهه ګرو په موجودګۍ کامياب عمليات شوي، آر پي او کوهاټ عباس مجيد وئيلي چې کاروائۍ کښې اتۀ ترهه ګر وژلې شوي او د يو شمير ژوبل کيدو اطلاعات هم مخې راغلي، آپريشن دوران د ترهه ګرو يو شمير ټهکانې هم تباه کړې شويدي ۔
د کرک خرم تهاڼې حدود کرکنډو سیمه کښې پولیس ترهه ګرو موجودګۍ په اطلاع آپریشن کړې ، آپریشن په وخت پولیس او ترهه ګرو ترمينځ د ډزو بدلون هم شوې دې ۔
ریجنل پولیس آفیسر کوهاټ عباس مجید مروت وئيلي دي چې مقابلې په وخت اتۀ ترهه ګر وژلي شوي دي ۔
پولیس وئیلي چې آپریشن په وخت د ترهه ګرو یو شمېر ټهکانې هم ړنګې کړې شوي، کاروائۍ په وخت یو شمېر ترهه ګر ژوبل شوي هم دي څوک چې په ژوبل حالت کښې تښتيدلې دي ۔
پولیس زیاته کړی چې وژل شوي ترهه ګرو مړي په غريزه سیمه کښی موجود دي او د دوي ملګري دغه مړي ترلاسه کولو لپاره وخت په وخت په پولیس ډزې کوي ۔
