د نوې کال دوه زره شپږ ويشتم آغاز وسطي بحرالکاهل کښې واقع جزيرې کيريباتي نه شوېدې، پاکستاني وخت مطابق ماسپخين درې بجې خواؤشا هلته د نوې کال شروع شوې، دې نه پس آئرلينډ، بياد نيوزي لينډ کښې آکلينډ نه د نوې کال آغاز شويدې، دې وروستو آسټريليا او نورو ملکونو کښې هم د نوې کال په آغاز شوې، شانداره آتش بازي شوې او جشن هم نمانځلې شويدې ۔
نن د کال دوه زره پنځه ويشتم آخري ورځ ده، د نوې کال آغاز په موقع د ملک مختلف ښارونو کښې پرګرامونه هم تابيا شوي، د شپې دولس بجې کاونټ ډاؤن سره به نوې کال ته هرکلې وئيلي کيږي او جشن به نمانځلې کيږي ۔
بلخوا په مختلف لوئې وړو ښارونو کښې په آتش بازۍ او هوائي ډزو بنديز هم لګولې شوې،مري کښې دفعه يوسل څلور څلويښت نافذ کړې شوې او صرف فيلميز ته مري ته د داخليدو اجازت دې ۔
نړۍ کښې د ټولو نه اول د نوې کال دوه زره شپږويشتم آغاز نيوزي لينډ نه شوې ، په دې موقع د آکلينډ ښار په سکائي ټاور باندې د شاندار آتش بازۍ مظاهرې سره د نوې کال هرکلې شويدې ۔
د آکلينډ ښار آسمان په ښکولي رنګا رنګ رڼاګانو پړقيدلې او د نوې کال جشن نمانځلو لپاره لوئې شمير کښې خلق موجود وو ۔
د دې وروستو د آسټريليا په سډني ښار کښې د نوې کال استقبال شوې، د دوبئۍ په برج خليفه به هم د آتش بازۍ شانداره مظاهره کيږي ، نيويارک ، لندن او پيرس کښې به هم د نوې کال جشن نمانځلې شي ۔
