تهران کښې د سيمې د ملکونو د خصوصي استازوغونډه شوې چې پکښې د افغانستان په صورتحال او سيمې سيکيورټۍ په معامله غور شوېدے، اجلاس ته وينا په وخت پاکستاني استازي محمد صادق افغانستان د خاورې نه د ترهه ګرو حملو معامله پورته کړې او افغان حکومت نه ئې د شرخوښو خلاف د کارروائي مطالبه کړيده، افغان عبوري حکومت دې مهم اجلاس کښې ګډون نه وو کړے ۔
تهران: د سيمې د ملکونو د خصوصي استازو دا څلورمه غونډه وه چې پکښې د د پاکستان او افغانستان ترمينځ پيدا شوي تاؤ تريخوالې او د سيمې د سيکيورټۍ په معاملو خبرې شويدي ۔
د ايران خارجه وزير عباس عراقچي اجلاس ته وينا په وخت د سيمې امن او استحکام لپاره پرامن افغانستان ضروري ګرځولي دے ۔
د پاکستان خصوصي استازي محمد صادق غونډې ته د وينا په وخت افغانستان کښې ميشته ترهه ګر د سيمې ملکونو لپاره خطره ګرځولي ده ۔
محمد صادق د افغان عبوري حکومت نه مطالبه کړې چې د افغانستان خاوره د پاکستان او ګاونډي ملکونو خلاف نه استعماليدو په حواله دې خپلې وعدې پورا کړي ۔
دې اجلاس کښې د چين،روس،ترکمانستان،ازبکستان او د تاجکستان نمائندګانو هم شرکت کړي وو،افغان عبوري حکومت دې غونډه کښې ګډون نه وو کړے ۔
