وزیراعظم شهبازشريف وئيلي دي چې پاکستان ټول ګاونډي ملکونو سره ښۀ تعلقات قائمولول غواړي خو ځني ملکونه دهشت ګردي د سياسي مقاصد لپاره استعمالوي،اوس نړۍ دغه بيانيه نۀ تسليموي،چين کښې د شنګهائي تعاؤن تنظيم سرمشيريزې غونډي ته وينا کښې وزيراعظم وئيلي چې پرامن او مستحکم افغانستان نۀ صرف د پاکستان بلکه د ټولې منطقې مفاد کښې دې ۔
د چين تيانجن ښار کښې د شنګهائي تعاون تنظيم د مشرانو پنځويشت اجلاس ته وينا پر مهال وزيراعظم شهباز شريف د دې اجلاس په کامياب انعقاد چين حکومت له مبارکي ورکړې او وئيلي دي چې د ايس سي او انعقاد علاقائي تعاؤن او انضمام ته وده ورکولو لپاره د پاکستان د عزم عکاسي کوي ۔
وزيراعظم اووئيل چې پاکستان هميشه کثير الجهتي ، مکالمې او سفارت کارۍ په طاقت يقين ساتي، د هر يو ملک لپاره خپلواکي او علاقائي سلامتيا نه سيوا هيڅ نيشته ، پاکستان د ايس سي او ملکونو د سلامتيا او خومختارۍ احترام کوي ۔
وزيراعظم اووئيل چې سي پيک د پاکستان او چين ترمينځ يو بهترينه منصوبه ده، مونږ د ټول بين الاقوامي تعلقاتو او دوه اړخيزه ټولو لوظنامو احترام کوؤ ۔
د وزيراعظم وينا وه چې پاکستان ټول ګاونډي ملکونو سره ښۀ تعلقات قائمولول غواړي خو ځني ملکونه دهشت ګردي د سياسي مقاصد لپاره استعمالوي،ولې اوس نړۍ دغه بيانيه نۀ تسليموي ۔
هغۀ مخکښې اووئيل چې خيبر پښتونخوا او بلوچستان کښې د ترهه ګرۍ پيښو کښې بهرملکي لاس دې او د دې مونږ سره ثبوتونه موجود دي، دې جرمونو کښې ککړ کسانو او د هغوي سهولت کارو ته به جواب ورکول وي ۔
وزيراعظم دا هم اووئيل چې افغانستان د پاکستان ګاونډي ملک دې مستحکم افغانستان نه صرف د پاکستان بلکه د منطقې په مفاد کښې دې ۔
