پي ټي آئي چيئرمين بيرسټر ګوهر د پارټۍ مشرانو ته اورولې شوې سزاګانې به عدالت کښې چينلج کولې شي ،نن جمهوريت لپاره افسوس ناکه ورځ ده ،ايوان کښې د واپسۍ يا بائيکاټ فيصله به د پارټۍ باني کوي، بيرسټر ګوهر دا هم وئيلي چې پي ټي آئي سسټم او جمهوريت باندې يقين ساتي، د انتشار او تصادم سياست نه به ډډه کوؤ ۔
اسلام آباد: د پي ټي آئي مشرانو ته نهمې مئي کيسونو کښې اورولې شوې سزا نه پس اسلام آباد کښې خبري غونډې ته وينا کښې بيرسټر ګوهر وئيلي دي چې مونږ د ترهه ګرۍ مخنيوي عدالت دغه فيصله اعلیٰ عدالت کښې چيلنج کوؤ ۔
بيرسټر ګوهر اووئيل چې دې فيصلې نه پس به د ايوان نه بائيکاټ يا تحريک چلولو په حواله فيصله کولې شي او د باني پي ټي آئي هداياتو مطابق به مخکښې ځو ۔
پي ټي آئي چيئرمين اووئيل چې مونږ هر ممکن کوشش کړې چې ملک کښې جمهوريت اوچليږي، ولې بار بار زمونږ مشرانو ته سزاګانې اورولې کيږي، او نن د جمهوريت يوه افسوسناکه ورځ ده ۔
بيرسټر ګوهر اووئيل چې پي ټي آئي قيادت هميشه د سسټم بچ کولو خبره کړې، دهرنا مو نۀ ده ورکړې او ايوان کښې مو ناسته هم کړيده ۔
هغۀ دا هم اووئيل چې د اليکشن کميشن د اراکينو وخت پوره شوې او بيا هم زمونږ د مشرانو د نااهلۍ لړې جاري ده ۔
