خېبرپښتونخوا اسمبلۍ کښې د باجوړ آپريشن اودرولو لپاره قرارداد اکثريت سره منظور شويدې، قرارداد ايم پي اے حميد الرحمان وړاندې کړې وو، چې پکښې په فوري توګه باجوړ آپريشن اودرولو مطالبه شويده،بلخوا ګوجري ژبه هم پارليماني ژبه ګرځولې شوې او دې لړ کښې د ترميم منظوري هم ورکړې شويده ۔
پيښور: د سپيکر بابر سليم سواتي مشرۍ کښې د خېبر پښتونخوا اسمبلۍ اجلاس شوې چې پکښې امن و امان صورتحال او د صوبې نور اهم معاملاتو باندې بحث شويدې ۔
خېبرپښتونخوا اسمبلۍ کښې د باجوړ آپريشن اودرولو لپاره قرارداد اکثريت سره منظور شويدې، قرارداد ايم پي اے حميد الرحمان وړاندې کړې وو، چې پکښې په فوري توګه باجوړ آپريشن اودرولو مطالبه شويده ۔
قرارداد کښې مطالبه شوې چې سيکيورټي فورسز دې آپريشن دوران د عامې آبادې خيال اوساتي او مذاکراتو د لارې دې د معاملې حل راوباسلې شي ۔
بلخوا د صوبائي اسمبلۍ رولز اينډ بزنس دوه زره پنځه ويشتم کښې د ترميم تحريک منظوري هم ورکړيده، ترميم ترمخه ايوان کښې به انګريزي، اردو، پښتو،هندکو، سرائيکي او ګوجري ژبې هم شاملې وي ۔
د ترميم منظورۍ نه پس ګوجري ژبه هم پارليماني ژبه ګرځولې شوې، او ايوان کښې خبرو د پارهه د نورو ژبو فهرست کښې شامل کړې شويده ۔
دغه منظورۍ نه پس ايوان کښې خبرو لپاره د ژبو شميره شپږ ته رسيدلې ، چې پکښې انګريزي، اردو، پښتو، سرائيکي، هندکو او ګوجري ژبې شامل دي ، دې منظورۍ نه پس به اراکين په ايوان کښې په دغه ژبو کښې د خيالاتو اظهار کولې شي ۔
