وزيراعظم شهبازشريف په مشرې کښې د خېبر پښتونخوا کښې بارانونو او سيلابي صورت حال جاج اخېستو په حواله هنګامي اجلاس شوې، چيئرمين اين ډي ايم اے وزيراعظم ته په نقصاناتو،ريسکيو او ريليف آپريشن بريفنګ ورکړې، وزيراعظم اين ډي ايم اے ته د خېبر پښتونخوا حکومت سره تعاون جاري ساتلو هدايت ورکړي،وزيراعظم وائي چې امدادي سامان دې په ترجيحي بنيادونو اوليږلې شي ۔
د وزيراعظم شهبازشريف په مشرې کښې د خېبر پښتونخوا کښې اوسنې بارانونو او سيلابي صورت حال جاج اخېستو هنګامي اجلاس شوېدې ۔
اجلاس کښې چيئرمين اين ډي ايم اے وزيراعظم ته په نقصاناتو،ريسکيو او ريليف آپريشن بريفنګ ورکړېدې او هغه ئې د ملک بالائي سيمو کښې کلاؤډ برسټ او فليش فلډ نه شوې نقصاناتو نه خبر کړېدې ۔
وزيراعظم اين ډي ايم اے ته د خېبر پښتونخوا حکومت او پي ډي ايم اے سره تعاون جاري ساتلو هديت ورکړيدي ۔
وزيراعظم اوئيل چې خيبر پښتونخوا کښې ريسکيو او ريليف آپريشن کښې دې تعاون فراهم کولو لپاره ټول وسائل پکار روالي،په فوري توګه دې خيمے،دوايانې، خوراک څيزونه او نور امدادي سامان ټرکونو کښي اورسولې شي ۔
وزيراعظم دا هم هدايت ورکړيدي چې د سيلاب نه متاثره شوؤ علاقو کښې ګهير شوي خلک او سيلګري دې په فوري توګه محفوظ مقام ته منتقل کړې شوي ۔
بلخوا وزيراعظم شهباز شريف دخېبر پښتونخوا ګورنر فيصل کريم کنډي سره د ټيلي فون دلارې رابطه کړېده، وزير اعظم په صوبه کښې دسيلابونو لوجې شوي ځاني او مالي نقصاناتو باندې خفګان څرګند کړېدې ۔
په دې موقع وزيراعظم شهبازشريف ګورنر ته دې مشکل وخت کښې د وفاقي حکومت له اړخه دهر قسمه مرستې باورهم ورکړې دې،وزيراعظم وئيلي چې دې لړ کښې اين ډي ايم اے ته هم هدايات جاري کړې شويدي ۔
