خېبر پښتونخوا کښې اوسنو بارانونو او سيلابونو دوران شوې ځاني زيان په حواله پراونشل ډيزاسټر مينجمنټ اتهارټي نوې تفصيلات جاري کړيدي، رپورټ ترمخه دې دوران څلور سوه نه زيات کسان پحق رسيدلي او دوه سوه ، څلويښت نه زيات ژوبل شوي دي ۔
پيښور: پي ډي ايم اے له لوري جاري تازه رپورټ کښې وئيلي شوي چې صوبه کښې بارانونو او سيلابونو لوجې مختلفو پيښو دوران تر اوسه پورې څلور سوه، شپږ کسان پحق رسيدلي او دووه سوه اووه څلویښت ژوبل شويدي ۔
رپورټ ترمخه د بارانونو او سيلاب لوجې تر اوسه پورې په مجموعي توګه درې زره،پنځه سوه شپږ وويشت کورونو ته زيان رسيدلې چې په هغو کښې پنځه سوه اووه اوويا کورونه په مکمله توګه ړنګ شويدي ۔
پي ډي ايم اے وئيلي دي چې د خيبر پښتونخوا په مختلفو سيمو کښې د پنځلسم اګست نه تراوسه پورې د بارانونو او سيلابونو لوجې دغه ځاني زيان مخې ته راغلې دې ۔
رپورټ ترمخه پحق رسيدونکو کسانو کښې درې سوه پنځه نارينه، پنځه پنځوس زنانه او شپږ څلويښت ماشومان شامل دي ۔
د سيلاب نه زياته متاثره سيمه بونير کښې په مجموعي توګه درې سوه اووه ديرش او صوابۍ کښې شپږ څلويښت کسان پحق رسيدلي دي ۔
رپورټ مطابق دا شان د سیلابونو او بارانونو لوجې نورې بدې پيښې ډي آئی خان ،سوات، باجوړ، مانسهره، شانګله، دير بټګرام او ځني نورو سيمو کښې مخې ته راغلي دي ۔
پي ډي ايم اې د متاثرہ سیمو ضلعی انتظامیو ته د امدادی کاروائیانو تندولو او د سیلاب ځپلو سره په فوري توګه د مرستو کولو هدايات هم جاري کړيدي ۔
