د کوئټې ښار سریاب روډ په شاهواني سټېډېم کښې ځانمرګي برید شوې چې پکښې د یو پولیس اهلکار پشمول اوولس کسان پحق رسېدلي او د پخواني پارلماني غړي په ګډون دري دېرش کسان سخت ژوبل شويدي ۔
کوئټه: ځانمرګي بریدګر د سردار اختر مینګل، محمود خان اچکزئي، د عوامي نیشنل ګوند مشر اصغر اچکزي او نورو مشرانو موټرو ته نيزدې ځان اولزولې وه، او هم دوي ئې په نښۀ کولو کوشش کړې وو، د مختلفو سیاسي ګوندونو مشران په معجزانه توګه بچ پاتې شوي دي ۔
په چاودنه کښې د پخواني سنېټر ګاډي پشمول يو شمير ګاډي او موټرسائيکلې تباه شوي دي ، د چاودنې په اړه د معلوماتو ترلاسه کولو سره په هسپتالو کښې هنګامي حالت اعلان شوې او ډاکټران او پېرامېډکس سټاف فوري هسپتالونو ته راغوښتې شوي وو ۔
د بلوچستان ګورنر جعفر خان مندوخیل او وزیر اعلی میر سرفراز بګټي د خودکش حملې پیښه غندنه او وئیلي دي چې دا د انسانیت د دښمنانو بزدلانه عمل دی، دوي د چاودنې د مکمل پلټنو هدايت هم کړېدې ۔
د پولیسو په وینا ده چې د بي این پي مشر سردار اختر جان مینګل د پشتونخوا ميپ د پارلمان مرکزي مشر محمود خان اچکزئي، د عوامي نیشنل ګوند صوبائي مشر اصغر اچکزئي، د نېشنل ګوند مرکزي مشر کبیر محمد شاهي او ورکران په سریاب روډ د شاهواني سټیډیم کښې د بلوچستان نېشنل پارټۍ د غونډې په ختمېدو باندې د جلسې پېنډال نه د راوتو ورستو خپل ځان ډزولې دې ۔
