خېبر پښتونخواپشمول د ملک مختلفو برخوکښې د پاکستان تحریک انصاف د شټر ډاؤن او پهيه جام هړتال ناکامه شوې ،پي ټي آئي د شټر ډاؤن هړتال د کاميابۍ دعوې کړي، ولې اپوزيشن جماعتونو دغه هړتال ناکامه ګرځولې،زياتره ضلعو کښې تاجرانو او عام خلقو د پي ټي آئي کال مسترد کړې او بازارونه بند ساتلو نه ئې انکار کړې وو،بعضې سيمو کښې بازارونه په جزي توګه بند او زياتره ځايونو کښې کهولاؤ وو،د صوبې لوئې وړو ښارونو کښې ټريفک هم د معمول مطابق روان وو ۔
د ملک او خېبر پښتونخوا د نورو برخو پشان پېښور کښې هم د پاکستان تحريک انصاف د شټر ډاؤن او پهيه جام هړتال شوې، هړتال په وخت د پېښور ښار لوئې تجارتي مرکزونه جزوي بند وو ۔
د پي ټي آئي کارکنانو په زبردستې ځائې په ځائې د خلقو دکانونه بندولو کوششونه کړې او د دې ويډيوز هم په سوشل ميډيا خپارۀ شويدي ۔
د هړتال او پهيه جام په معامله د پېښور تاجر تنظيمونه خپلو کښې تقسيم شوي وو، او د پي ټي آئي کال ئې مسترد کړې دې، بلخوا دهړتال او پهيه جام په حواله دپاکستان تحريک انصاف ترمينځ هم د اختلافاتو خبرونه هم مخې ته راغلي دي ۔
چارسده،مردان، کاټلنګ، کوهاټ ،کرک، لکي مروت، کرک، ټانک، او ملاکنډ ډويژن مختلفو سيموکښې د پي ټي آئي هړتال ناکامۍ سره مخ شوې،دې دوران کاروباري مرکزونه جزوي بند وو، تاجرانو د پي ټي آئي اعلان څخه د لاتعلقۍ اظهار کړې،او وئيلي دي چې هغوي به خپل دکانونه او نور کاروبارونه خلاص ساتي ۔
د تاجرانو وينا وه چې ګراني ډيره زياته ده، کاروبار بند ساتلو سره معاشي مشکلات نور سيوا کيږي،بلخوا هزاره ډويژن کښې ځائې په ځائې کاروباري مرکزونه بند ، او زياتره علاقو کښې کولاؤ وو ۔
هنګو کښې د پي ټي آئي کارکنان د خپل ايم پي اے او ايم اين اے خلاف په احتجاج کړې،هنګو کښې د احتجاج کال باوجود ځينې کارکنان مين چوک کښې جمع شوي ۔
د ايم پي اے ، ايم اين اے او نور عهديدارانو په عدم موجودګۍ کارکنانو د غصې څرګندونه کړې، کارکنانو وئيلي چې احتجاج نه بائيکاټ کوي او احتجاجاَ َ خپلو کورونو ته واپس تلي ۔
پخواني وزيراعلیٰ امير حيدر خان هوتي وئيلي دي چې د صوبې خلقو د پي ټي آئي د احتجاج کال مسترد کړيدې،مردان پشمول مختلفو علاقو کښې بازارونه کولاؤ دي، ټريفک معمول مطابق چليږي ۔
امير حيدر خان تحريک انصاف ته مشوره ورکړې چې هړتال په ځائې دې د صوبې بنيادي مسائل حل کولو باندې توجه ورکړي، د حکومت کار احتجاج او بازارونه بندول نۀ دي، بلکه د خلقو مسئلې حل کول او صوبې ته ترقي ورکول دي ۔
کوئټه کښې دفعه يو سل څلور څلويښت نفاذ دوران پهيه جام ، شټر ډاؤن ، او په زبردستۍ دکانونه بندولو اجازت نيشته ،انتظاميي وئيلي چې دفعه يو سل څلور څلويښت لاندې سړکونه بندول يا هړتال کول باندې بنديز دې،دفعه يو سل څلور څلويښت مقصد د اولس ځان او مال تحفظ ، امن امان بحالي او د ژوند امور بحال ساتل دي ۔
