د پاکستان سپر ليګ لسم ايډيشن خوندور ميچونه جاري، ايلي مينيټر ميچ کښې لاهور قلندرز په شپږ وکټو کراچي کنګز ته شکست ورکړي او ټورنامنټ نه ئې بهر کړېدې، د کراچي کنګز يو سل يو نوي رنز هدف لاهور قلندرز څلور وکټو په زيان نورلسم اوور کښې پورا کړې او ميچ ئې ګټلې دې ۔
د لاهورقذافي سټيډيم کښې لوبيدلې د پي ايس ايل لسم ايډېشن ايلي منيټر ميچ کښې کراچي کنګز ټاس ګټلې وو او د بيټنګ فيصله ئې کړې وه ۔
کراچي کنګز مقرره اوورز کښې اتۀ وکټو په زيان يو سل نوي رنز جوړ کړي وو، چې پکښې ټولو نه زيات کپتان ډيوډ وارنر شاندار پنځه اوويا رنز باندې آؤټ شوې، او خوشدل شاه په اووه ويشت رنز ناټ آؤټ پاتې شوې وو ۔
لاهور قلندرز لخوا حارث رؤف درې او شاهين شاه آفريدي دوه وکټې په خپل نوم کړېدي ۔
لاهور قلندرز مقرره هدف نورلسم اوور کښې څلور وکټو په زيان آسانۍ سره پورا کړې او ميچ ئې ګټلې دې ۔
لاهور طرف نه ټولو نه زيات عبدالله شفيق پنځه شپيتۀ رنز جوړ کړې او مين آف دي ميچ ايوارډ ئې په خپل نوم کړېدې ۔
