وزيراعظم شهبازشريف ټول ملک کښې د ماحولياتي او زرعي ايمرجنسي لګولو اعلان کړيدې، وزيراعظم وئيلي چې دې صورتحال کښې به وفاق خپل کردار ادا کوي ، وزير اعظم په دې اړه وفاقي او صوبائي حکومتونو ته دپاليسۍ جوړولو هدايت هم کړيدې ۔
اسلام آباد: د وفاقي کابينې ته خطاب کښې وزيراعظم شهبازشريف سندهـ کښې سيلابي صورتحال په وړاندې په ترجيحي بنيادونو امدادي ګامونه پورته کولو هدايات هم کړي ۔
وزيراعظم اين ډي ايم ته امر کړې چې صوبائي ډيزاسټر مينجمنټ اتهارټيز سره دې مکمل مرستې اوکړې شي، وزيراعظم د پاک فوج ميجر عدنان شهيد ته خراج تحسين هم وړاندې کړې دې ۔
وزير اعظم شهباز شريف وينا وه چه د امريکي سره ښه تعلقات جوړول دي او د چين سره اسټريټيجک تعلقات کښي بهتري راويستل دي ۔
وزيراعظم د سيلاب په تباه کارئيانو اظهارِ افسوس کولو سره وئيلي چې ريليف آپريشن جاري دې ، الله پاک نه دعا کوؤ چې سندهـ کښې د سيلاب زيات نقصان اونشي ۔
وزير اعظم شهباز شريف اووئيل چې زمونږ يو بهادر فوجي افسر مېجر عدنان اسلم بنو کښې د ترهه ګرو سره مقابله کښې د خپل سر قرباني ورکړې او شهيد شويدې، تېره ورځ جي ایچ کيو کښې دهغۀ په جنازه کښې مې شرکت کړې وو او سپا سالار فیلډ مارشل سید عاصم منیرهم موجود وو ۔
د وزيراعظم شهباز شريف وينا وه چې د افواج پاکستان دبرکته مونږ نن په آزاد فضا کښې ساه اخلو ولې په سوشل ميډيا ځيني خلق د ادارو او شهيدانو قربانيانو پسې ملنډې کوي،کومې چې انتهائي قابلِ مذمت دي ۔
وزيراعظم شهبازشريف وينا وه چې د ملک خلاف پروپيګنډه کونکو دې فتنې مکمل خاتمه زمونږ اولين فرض دې ۔
