وزيراعظم شهبازشريف د پاکستان ريلوے بهترۍ لپاره د عالمي ماهرينو خدمات حاصلولو هدايت کړې، او وئيلي دي چې د ريلوے نظام ملکي معيشت او مواصلاتو حوالې سره د ملا د هډوکي حيثيت لري، د ريلوے نظام بهترۍ لپاره پورته شوې اقدامات د ستائنې وړ دي، دې لړ کښې شوې غونډې ته بريفنګ کښې وئيلي شوي چې پاکستان ريلوے بهترۍ لپاره په مختلفو منصوبو کار روان دې ۔
اسلام آباد: د وزيراعظم شهبازشريف په مشرۍ کښې د پاکستان ريلوے په معاملاتو مهمه غونډه وزيراعظم هاوس کښې شوې ده ۔
غونډې ته وينا په وخت وزيراعظم شهبازشريف وئيلي دي چې د ريلوے نظام د ملک معيشت او مواصلات د ملا هډوکي حيثيت لري ، د ريلوے نظام ښۀ کولو لپاره اوچت کړې شوى ګامونه د ستائنې وړ دي ۔
وزيراعظم اووئيل چې د ريلوے بحالۍ او اَپ ګريډيشن لپاره د وزير ريلوے حنيف عباسى او د هغوى ټيم کارکردګي قابل تعريف ده،په دې موقع وزيراعظم د پاکستان ريلوے ،په خصوصى توګه علاقائي روابط او بين الاقوامى ټرين لنکس منصوبو لپاره د قانونى او معاشى ماهرينو خدمات ترلاسه کولو لپاره هم هدايت کړېدې ۔
وزيراعظم ته بريفنګ ورکړې شوې چې د ريلوے ډيجيټائزيشن په اړه د رابطه اووه ډيجيټل پورټلز کار کوي ، شپږ پنځوس ټرينونه په رابطه منتقل کړې شوي او څلور پنځوس ريلوے سټيشنز ډيجيټائز کړې شويدي ۔
وزيراعظم ته بريفنګ ورکولو په وخت وئيلي شوي چې پنډۍ ، لاهور ، کراچۍ او فيصل آباد ريلوے سټيشنونو باندې مفت وائي فائي سهولت هم شته او نور اتۀ څلويښت ريلوے سټيشنو باندې به يو ديرشم دسمبر پورې مفت وائي فائي سهولت ورکولې شي ۔
