وزيراعظم شهبازشريف وئيلي دي چې د خېبرپښتونخوا نوې وزيراعلیٰ ته مې اومبارکي او د وفاق د تعاؤن يقين دهاني ورکړېده، طمع ده چې خېبرپښتونخوا حکومت به د وفاق پيشکش قبلوي، وزيراعظم دا هم وئيلي چې چترال ته مې د تعليم تحفه راوړې، د خېبرپښتونخوا او چترال خلق مثالي او مينه ناک دي ۔
چترال کښې د دانش سکول سنګ بنياد کيښودو دستورې ته وينا کښې وزيراعظم شهبازشريف وئيلي چې سهيل آفريدي ته مې د خېبر پښتونخوا وزيراعلیٰ په جوړيدو اومبارکي ورکړې ، په شريکه به د ترهه ګرو مقابله کوؤ ۔
وزيراعظم اووئيل چې وزيراعلیٰ خېبر پښتونخوا ته مې د وفاقي حکومت د هرقسمه تعاؤن کولو يقين دهاني ورکړې، طمع ده چې صوبائي حکومت به د وفاق پيشکش قبلوي ۔
وزيراعظم اووئيل چې چترال د خيبر پښتونخوا يو ښکلې علاقه ده، د صوبې بهادر خلقو ملک لپاره ډېرې قربانۍ ورکړي، کومې چې د ستائنې وړ دي ۔
هغه اووئيل چې د تعليم بهترين سهولتونه د اولس حق دې، چترال خلقو لپاره مې د دانش سکول تحفه راوړې، دا تحفه په چا احسان نۀ دې، بلکه د سيمې خلقو حق دې ۔
