وزيراعظم شهبازشريف د پاکستان تحريک انصاف رهنما سهيل آفريدى ته په وزيراعلى خېبرپښتونخوا جوړيدو اومبارکى ورکړې او د وفاق مکمل مرستې کولو باور ئې هم ورکړېدې ۔
وزيراعظم هاوس لطرفه جارى شوې اعلاميه کښې وئيلي شوي چې وزيراعظم شهبازشريف او وزيراعلى خېبرپښتونخوا سهيل آفريدى ترمينځ په ټيلى فون رابطه شوې ده ۔
وزيراعظم شهبازشريف د خېبرپښتونخوا وزيراعلى سهيل آفريدي ته ذمه وارۍ سنبهالولو باندې اومبارکى ورکړې او وئيلى ئې دي چې وفاق به صوبې سره پوره پوره مرسته کوي ۔
وزيراعظم شهبازشريف ټيليفون پر مهال وزيراعلى خېبرپښتونخوا ته دا هم وئيلي چې د پاکستان مفاد په خاطر به ورسره وفاق په شريکه کار کوي ۔
بلخوا خېبرپښتونخوا وزيراعلیٰ سهيل آفريدي تصديق کړې چې وزيراعظم ورله ټيليفون کړې او څوکۍ سنبهالولو باندې ئې اومبارکي هم ورکړي ده ۔
پنډۍ کښې اډياله جيل نه بهر ميډيا سره خبرو کښې خېبرپښتونخوا وزيراعلیٰ وئيلي چې د بانى پى ټى آئى سره ملاقات نه مو وفاقى حکومت خبر کړې وو ۔
وزيراعلى خېبرپښتونخوا وائى چې ايډوائزرى کونسل به جوړوم او مايوسه کوم به مو نه، مونږ ټولو ته به د نظم و ضبط مظاهره کول وي او د خپل قائد هداياتو باندې عمل کول پکار دي ۔
د خېبرپښتونخوا وزيراعلى سهيل آفريدى اووئيل چې مونږ يو سياسى جماعت يو او د قانون په دائر کښې دننه به باني پي ټي آئي راخلاصوو ۔
