وزيراعظم شهبازشريف د سيلاب متاثرينو لپاره ريليف پيکج اعلان کړې، وزيراعظم شهبازشريف وائي چې سيلاب ځپلو سيمو کښې د کورنو صارفينو لپاره اګست مياشتې بل معاف کړې شوې، چا چې اګست بلونه جمع کړي هغه به راتلونکې مياشت کښې هغوي ته د بلونو پيسې واپس کولې شي ۔
اسلام آباد: قام ته مختصر او اهم بيان کښې وينا په وخت وزيراعظم شهبازشريف اووئيل چې سيلاب ټول ملک کښې تباهي خوره کړې ده ۔
د وزيراعظم وينا وه چې سيلابونو دوران ځاني نقصان سره سره د خلقو ځناورو او کورونو ته هم لوئې نقصان رسېدلې دې ۔
وزيراعظم اعلان کړې چې سيلاب ځپلو سيمو کښې د متاثرينو د بجلۍ بلونو يو مياشت لپاره معاف کړې شويدي ۔
وزيراعظم اووئيل چې سيلاب ځپلې سيمو کښې کومو خلقو د بجلۍ بيلونه جمع کړي ،راتلونکي مياشت کښې دوه ته د بلونو پيسې واپس ورکولې شي ۔
وزيراعظم دا هم اووئيل چې وفاقي حکومت په چا څه احسان نۀ کوي، بلکه دا د دوي حق دې ، دا د خادم پاکستان طرف نه د ريليف يو وړوکې کوشش دې ۔
وزيراعظم مخکښې اووئيل چې ترهګې به په آرام نۀ کښينو چې ترڅو مو سيلاب متاثرين واپس خپلو کورونو کښې آباد کړي نۀ وي ۔
