صدر مملکت آصف زرداري، وزيراعظم شهبازشريف او داخله وزير محسن نقوي هنګو کښې د ترهه ګرو خلاف کامياب آپريشن باندې د سيکيورټي ادارو ستائنه کړې، او وئيلي دي چې ترهه ګرو ته د ملک امن او استحکام خرابولو اجازت به هيچرې ورنکړې شي، ټول قام د ترهه ګرو خلاف متحد دې او شرخوښي به خپل انجام ته رسولې شي ،بلخوا داخله وزير محسن نقوي آپريشن دوران ژوبل شوې پوليس افسرانو سره په ټيلفون رابطه هم کړېده ۔
هنګو کښې د ترهه ګرو خلاف مشترکه کامياب آپريشن باندې صدر مملکت،وزيراعظم او داخله وزير خپل ردعمل کښې د سيکيورټي ادارو ستائنه کړې او هغوي ته ئې شاباسې هم ورکړيدې ۔
دوي وئيلي چې رياست به ټول ملک کښې د ترهه ګرو خلاف کاروائياني پوره طاقت سره جاري ساتي او ترهه ګر به خپل انجام ته رسولې شي ۔
سياسي قيادت د ترهه ګرو په ډزو ژوبل شوي پوليس افسرانو صحت يابۍ لپاره دعا هم کړيده ۔
داخله وزير محسن نقوي د هنګو ژوبل شوې ډي پي او خالد خان سره په ټيليفون رابطه هم کړې او د هغه خيريت ئې معلوم کړېدې ۔
محسن نقوي د پوليس افسرانو د اوچتې حوصلې ستائنه کړې او وئيلي دي چې ډي پي او خالد خان او ايس ايچ او نبي خان د ټول قام د سر تاجونه دي، ټول قام په دوي فخر کوي ۔
