د افغانستان او پاکستان ترمينځ ترجيحي تجارتي معاهده شوې، د کوم مقصد چې دوه اړخيزه تجارت ته نوره وده ورکول او په مخصوص څيزونو محصولات کښې کمې راوستل دي، دا معاهده به ديکم اګست نه عملي کيږي، چې پکښې اتۀ خوراکي څيزونو باندې کسټم ډيوټي د شپيتۀ فيصد نه اووه ويشت فيصد ته راکمولې شي ۔
د پاکستان او افغانستان ترمينځ تجارت سيوا کولو او په ځيني خوراکي څيزونو ټيکس کمولو لپاره يو ترجيحي تجارتي معاهده باندې لاس ليک شويدې ۔
دې معاهده باندې د افغانستان عبوري حکومت نائب وزير برائے صنعت و تجارت مولوي احمد الله زاهد او پاکستان سيکريټري تجارت جاويد پال دستخط کړې دې ۔
دا معاهده به روان کال يکم اګست نه نافذ العمل وي، د معاهدې تحت به اتۀ اهم تجارتي څيزونو باندې کسټم ډيوټي شپيتۀ فيصد نه اووه ويشت فيصد ته کمولې شي ۔
افغانستان به پاکستان ته انګور، سيب، انار او ټماټر برآمد کوي، ولې پاکستان به افغانستان ته آم، کينو، کيلا او آلو برامد کوي ۔
