پيښور هائيکورټ د عمر ايوب او شبلي فراز نااهلۍ فيصله باندې حکمِ امتناع جاري کړې او اليکشن کميشن ئې نورې کاروائۍ نه منع کړېدې، عدالت دې لړ کښې محفوظ فيصله اورولې،بلخوا عدالت نهمې مئي مقدمو کښې اے ټي سي فيصل آباد لخوا اورولې شوې لس کالو قید سزا کښې شبلي فراز او زرتاج ګل حفاظتي ضمانت هم منظور کړې او پوليس ئې د هغوي ګرفتارۍ نه منع کړېدي ۔
پيښور: د پي ټي آئي مشرانو عمر ايوب او شبلي فراز د نااهلۍ خلاف دائر درخواستونو کيس سماعت پېښور هائي کورټ کښې شوې دې ۔
عدالت دعمر ايوب او شبلي فراز خلاف نوره کارروائي اودرولو حکم جاري کړې، او اليکشن کميشن او نورو فريقينو ته ئې نوټسز جاري کړيدي، عدالت د کيس نور سماعت تر شلم اګست پورې ملتوي کړې دې ۔
بلخوا پيښور هائيکورټ نهمې مئي مقدمو کښې اورولې شوې لس کالو سزا کښې د پي ټي آئي مشرانو ته ريليف ورکړې، او د هغوي حفاظتي ضمانت ئې منظور کړيدې ۔
عدالت د تحريک انصاف مشرانو شبلي فراز او زرتاج ګل حفاظتي ضمانت منظور کړې او پوليس ئې د هغوي ګرفتارۍ نه منع کړې دي ۔
ياده دې وي چې د فيصل آبادترهه ګرۍ مخنيوي عدالت نهمې مئي کيسونو کښې شبلي فراز او زرتاج ګل پشمول د پي ټي آئي يو شمير ملزمانو ته لس، لس کاله قيد سزا اورولې ده ۔
