پيښور کښې يونيورسټي روډ باندې د ترهه ګرۍ مخنيوې ادارې (سي ټي ډي) تهاڼه کښې د وسله خانې دننه ايښودې شوي بارودي مواډ ډزيدو لوجې چاودنه شوې، پوليس چارواکو وئيلي چې چاودنه کښې د سي ټي ډي يو اهلکار شهيد شوې او دوه نور سخت ژوبل شويدي ۔
د پيښور کيپيټل سټي پوليس افسر (سي سي پي او ) ډاکټر ميا سعيد د پيښې ځائې د دورې نه پس ميډېا سره خبرو پر مهال تصديق کړې چې سي ټي ډي تهاڼه کښې چاودنې په نتيجه کښې يو اهلکار شهيد شوې او دوه نور سخت ژوبل شوې دي ۔
ډاکټر ميا سعيد اووئيل چې سي ټي ډې تهاڼې باندې د ترهه ګرو د حملې شواهد نۀ دي ميلاؤ شوي ،او د تهاڼې په لاک اَپ کښې موجود ملزمان محفوظ مقام ته منتقل کړې شويدي ۔
سي سي پي او اووئيل چې چاودنې نه پس علاقه سيل کړې شوې ، د چاودنې سره د سي ټي ډي تهانې د ودانۍ يو برخه راپريوتې هم ده ۔
ډاکټر ميا سعيد مخکښې اووئيل چې چاودنه د پوليس سټيشن دننه د بارودي مواد کمره کښې موجود ډزيدونکي مواد چاوديدو لوجې شوې، چاودنې نه پس اوور لګيدلې وو او دغه اوور بيا نور خور شوې وو چې ورسره نورې چاودنۀ هم شوي دي ۔
سي سي پي او مطابق چاودنې نه پس بم ډسپوزل سکواډ طلب کړې شوې او سيکيورټي اهلکارانو ټوله تهانه خپله ولقه کښې اخستې او نورې پلټنې ئې پيل کړېدي ۔
ډاکټر ميا سعيد زياته کړې چې ابتدائي پلټنو کښې معلومه شوې چې دا پيښه ترهه ګري نۀ ده او نۀ په تهاڼه د حملې ثبوتونه ميلاؤ شوي، بيا هم د پيښې تحقيقات جاري دي او د حتمي معلوماتو نه به ميډېا خبرولې شي ۔
