سپریم کورټ د خېبر پښتونخوا پوليس باندې سختې نيوکې کړي او وئیلي دي چې پولیس نیولي شوي ګاډي په خپلو کښې تقسیموي، پولیس افسران نیولې شوي قیمتي ګاډو کښې چهاپې وهي، هم دغه وجه ده چې خلق ځان د پولیسو د لاسه غیر محفوظ ګڼي ۔
د سپریم کورټ پيښور رجسټرۍ کښې د کیسونو سماعت په وخت جسټس مسرت هلالي، جسټس اشتیاق ابراهیم او جسټس شکیل احمد موقف خپل کړې چې کوم ګاډي نیلام کول پکار وو هغه پولیسو سره دي ۔
هغوي اووئيل چې د ریټائرمنټ نه پس هم پولیس افسران په تورو شیشو کښې نیولي شوي ګاډو کښې ګرځيم هغوي د ایډوکیټ جنرل شاه فیصل اتمانخیل نه پښتنۀ کړې چې په وئیر هاوس او تهانړو کښې څومره ګاډي ولاړ دي ۔
د سپريم کورټ ججانو په سوال ايډوکيټ جنرل لاجوابه شوې او وئيلي دي چې وئیر هاوس کښې د مال مقدمه یو زر یوسل نورلس ګاډي ولاړ دي ۔
د سپریم کورټ پيښور رجسټرۍ د خېبرپښتونخوا حکومت نه د مال مقدمه د ټولو ګاډو تفصیلات طلب کړي او نور سماعت ئې ملتوی کړېدې ۔
