د بهارت په احمد آباد ښار کښې مسافر الوتکه رهائشي علاقه کښې تباه شوې، پيښه کښې دوه سوه، دوه څلويښت کسان مړۀ شويدي، مړۀ کسانو کښې د برطانيې دوه پنځوس ، کينيډا يو کس، د ګجرات پخوانې وزيراعلیٰ او اتۀ ډاکټران هم شامل دي ۔
د بهارت سول ايوي ايشن محکمې ترمخه د احمد آباد نه لندن ته تلونکې الوتکه د ائيرپورټ نه ټيک آف کولو نه پس ميګهاني نګر سيمه کښې نيزدې آبادۍ کښې د ډاکټرانو په يو هاسټل باندې غورځيدو سره تباه شويده ۔
بهارتي سول ايوي ايشن مطابق الوتکه کښې د جهاز د عملې پشمول دوه سوه ، دوه څلويښت کسان سواره وو ،مړۀ شوي کسانو کښې د ګجرات پخوانې وزيراعلیٰ او اتۀ ډاکټران هم شامل وو ۔
د پيښې ابتدائي رپورټس کښې وئيلي چې مسافر طياره ټيک آف سره سم يوې ونې سره جنګيدلې وه او بيا پکښې تکنيکي خرابي هم پيدا شوې وه ۔
بلخوا فائر آفسير جيش کهاډيا وئيلي چې جهاز راغورځيدو سره هم اوور لګيدلې وو ،د پيښې نورې پلټنې شروع کړې شويدي، مسافر طياره کښې سوارۀ دوه سوه دوه څلويښت ټول کسان مړۀ شويدي، وئيلي کيږې چې يو مسافر پکښې بچ شوې هم دې ۔
