لندن نه پس نيويارک کښې هم د پاکستان سپر ليګ روډ شو تابيا شوې، چې پکښې چيئرمين پاکستان کرکټ بورډ محسن نقوي، د قامي ټيم پخواني او موجوده لوبغارو شرکت کړېدې، په دې موقع د پي سي بي چيئرمين محسن نقوي د پي ايس ايل يوولسم ايډيشن شروع کولو تاريخ اعلان کړي او وئيلي دي چې ميګا ايونټ به شپږ ويشتم مارچ باندې شروع کيږي،ټورنامنټ به دريمې مئي پورې جاري وي ۔
نيويارک کښې د پاکستان سپر ليګ روډ شو تابيا شوې، په دې موقع د پي سي بي چيئرمين محسن نقوي، د ټي ټوينټي کپتان سلمان علي آغا، ټيسټ ټيم کپتان شان مسعود، صائم ايوب، ابراراحمد، فهيم اشرف، سعود شکيل ، پخواني لوبغاړي وسيم اکرم، رميز راجه او نور لوبغاړي هم موجود وو ۔
په دې موقع امريکه کښې د پاکستان سفير رضوان سعيد شيخ اووئيل چې لوبې د سفارتکارۍ او د کلتور د شناخت لويه ذريعه ده ،
د قامي لوبغاړو هم د پي ايس ايل په اهميت رڼا اچولې او خپل تجربات ئې هم شريک کړيدي ۔
دستورې ته خپله وينا کښې د پي سي بي چيئرمين محسن نقوي د پي ايس ايل يوولسم ايډيشن شروع کولو تاريخ اعلان کړي او وئيلي دي چې ميګا ايونټ به شپږ ويشتم مارچ باندې شروع کيږي،ټورنامنټ به دريمې مئي پورې جاري وي ،
پخواني کپتان وسيم اکرم اووئيل چې پي ايس ايل لوبغاړو لپاره يو بهترين ليګ دې،پي ايس ايل سره کرکټ نور خوندور شوې، او لوبغاړي بهترين لوبه کوي ۔
بلخوا نامتو کمنټيټراو د قامي ټيم پخواني کپتان رميز راجه هم دستورې ته وينا کړې او وئيلي دي چې پي ايس ايل د نړۍ يو زبردست ليګ جوړ شويدې ۔
