د بهارتي وزير اعظم نريندرامودي پاکستاني اولس ته په دهړکو د پاکستان سخت ردعمل راغلې دې ، پاکستان د بهارتي وزير اعظم ګجرات کښې خطاب د نفرت نه ډک اود متحده قامونو د چارټر خلاف وزري ګر ځولې ده ۔
اسلام آباد: د خارجه دفتر ترجمان شفقت علي خان د بهارتي وزيراعظم خطاب باندې خپل ردعمل کښې وئيلي دي چې دا بيان نه يواځې د نړيوال قوانينو خلاف دې بلکه د منطقې امن او سلامتيا لپاره هم يو لوئې زيان دې ۔
ترجمان زياته کړې چې د مودي بيان مقبوضه جمو وکشمير کښې جاري بهارتي ظلمونو نه د پام اړولو يو کوشش دے ، او دغه بيان قابل مذمت هم دې ۔
شفقت علي خان مخکښې اووئيل چې پاکستان د امن مرستيال دے ولې په خپلواکۍ او قامي سلامتيا هيڅ قسمه نرمي نشي کولې کيدې ۔
خارجه دفتر په بهارت د مذهبي سخت دريزۍ ، اقليتونو استحصال او عدم برداشت ته وده ورکولو تور لګولې ، او په نړيواله ورورولۍ ئې غږ کړې چې د بهارتي قيادت اشتعال انګيز پاليسو نوټس دې واخلي ۔
