اهم ميچ کښې پاکستان په يو څلويښت يو اے اي ته ماتې ورکړي او د ايشيا کپ سُپر فور مرحلې ته ئې کواليفائي کړيده، د پاکستان يو سل اووه څلويښت رنز هدف په تعاقب کښې کوربه ټيم يو سل پنځه رنز باندې آؤټ شوې او ميچ ئې په يو څلويښت رنز بيللې دې، شاندار آل راؤنډ کارکردګۍ باندې شاهين شاه آفريدي ته د بهترين لوبغاړي انعام ورکړې شويدې ۔
دبئي کښې لوبيدلې د ايشيا کپ لسم ميچ کښې متحده عرب امارات ټاس ګټلو نه پس پخپله د فيلډنګ فيصله کړې وه، پاکستان مقرره اوورونو کښې نهه وکټو په زيان يو سل شپږ څلويښت رنز جوړ کړي وو ۔
پاکستان طرف نه ټولو نه زيات فخر زمان پنځوس، شاهين شاه آفريدي جارحانه نهه ويشت، صائم ايوب، صفر، صاحبزاده فرحان پنځه، کپتان سلمان آغا شل، حسن نواز درې ، خوشدل شاه او محمد نواز څلور ، څلور او محمد حارث اتلس جوړ کړي وو ۔
يو اے اي طرف نه باولنګ کښې جنيد صديق شاندار باولنګ کړې وو او څلور لوبغاړي ئې آؤټ کړي وو، سمرت جيت درې وکټې په خپل نوم کړې وې ۔
مقرره هدف په تعاقب کښې د يو اے اي ټول ټيم اتلسم اوور کښې يوسل پنځه رنز بنادې آؤټ شوې او په يو څلويښت رنز ئې ميچ بيللې دې ۔
شاهين شاه آفريدي، ځارث رؤف او ابرار احمد دوه، دوه، صائم ايوب، سلمان علي آغا يو، يو وکټ په خپل نوم کړې وه، شاهي شاه آفريدي ته شاندار آل راؤنډ کارکردګۍ باندې د ميچ بهترين لوبغاړي اعزاز ورکړې شويدې ۔
د ايشيا کپ ګروپ اے نه د ابهارتي ټيم نه پس پاکستان هم سُپر فور مرحلې ته کواليفائي کړې، کوربه ټيم يو اے اي او عمان د ايونټ نه بهر شويدي ۔
