پاکستان دريم ټي ټوينټي کښې ويسټ انډيز ته شکست ورکړې او سيريز ئې هم ګټلې دې، د پاکستان يو سل نهه اتيا رنز جواب کښې کوربه ټيم مقرره اوورونو کښې يو سل شپږ اوويا رنز جوړ کړي او ميچ سره سره سيريز ئې هم بيللې دې ۔
فلوريډا لارډ هل ګراونډ کښې لوبيدلې د سيريز دريم او فيصله کن ميچ کښې پاکستان د ټاس ګټلو نه پس د بيټنګ فيصله کړې وه، پاکستان مقرره اوورونو کښې څلور وکټو په زيان يو سل نهه اتيا رنز جوړ کړي وو ۔
پاکستان اوپنرز صاحبزاده فرحان او صائم ايوب د ښۀ بيټنګ مظاهره کړې وه ، صاحبزاده فرحان څلور اوويا او صائم ايوب شپږ شپيتۀ رنز سکور کړي ، حسن نواز پنځلس، محمد حارث دوه، خوشدل شاه يوولس او فهيم اشرف لس رنز جوړ کړي وو ۔
ويسټ انډيز طرف نه جيسن هولډر ، روسټن چيز او شامر جوزف يو، يو وکټ په خپل نوم کړې وې ۔
ويسټ انډيز ټيم د يو سل نوي رنز هدف په تعاقب کښې د شپږ وکټو په زيان يوسل شپږ اوويا رنز جوړ کړي او ميچ بيللو سره سيريز ئې هم بيللې دې ۔
ويسټ انډيز لخوا اليک اتنازے شپيتۀ او شارفين رودرفورډ يو پنځوس رنز جوړ کړي وو، پاکستان طرف نه حسن علي، محمد نواز، حارث رؤف، صائم ايوب او سفيان مقيم يو، يو وکټ په خپل نوم کړي وې ۔
شاندار څلور اوويا رنز جوړولو باندې صاحبزاده فرحان د ميچ بهترين لوبغاړې ګرځولې شويدې، سيريز کښې اووه وکټې اخستو باندې محمد نواز د ټورنامنټ غوره لوبغاړې ګرځولې شويدې ۔
