پاکستان وړومبي ون ډے ميچ کښې ويسټ انډيز له په پنځه وکټو شکست ورکړې او د درې ميچونو سيريز کښې ئې يو صفر سره برتري ترلاسه کړيده، د ويسټ انډيز دوه سوه ، یو اتيا رنز هدف پاکستان د پنځه وکټو په نقصان پورا کړيدې، شاندار بيټنګ باندې حسن نواز د ميچ بهترين لوبغاړې ګرځولې شويدې ۔
د ويسټ انډيز برائن لارا کرکټ سټيډيم ټرينيډاد کښې د پاکستان او ويسټ انډيز اولنې ون ډے ميچ ترسره شوې، ويسټ انډيز اول بيټنګ کړې وو او پاکستان ته ئې د دوه سوه، يو اتيا رنز هدف ورکړې وو ۔
د ويسټ انډيز لخوا ايون ليوس شپيتۀ، کپتان شائي هوپ پنځه پنځوست او روسټن چيز درې پنځوست رنز جوړ کړي وو،
پاکستان لخوا شاهين آفريدي څلور او نسيم شاه درې وکټې ترلاسه کړې دي ۔
پاکستان مقرره هدف په نهه څلويښتم اوور کښې د پنځو وکټو په زيان پورا کړې، پاکستان لخوا حسن نواز درې شپيتۀ ناټ آؤټ، محمد رضوان درې پنځوست او بابر اعظم اووه څلويښت رنز جوړ کړيدي ۔
حسن نواز ته په شاندار کارکردګې مين آف دي ميچ ايوارډ ورکړې شويدي ، دواړو ټيمونو ترمينح د سيريز دوئم ميچ به په تروبا کرکټ ګراؤنډ کښې سبا په لسم اګست لوبيږي ۔
