فيصله کُن اور آخري ټي ټوينټي ميچ کښې پاکستان په څلور وکټو جنوبي افريقې شکست ورکړي او د درې ميچونو سيريز ئې دوه ، يو سره په خپل نوم کړېدې، د جنوبي افريقې د يو سل څلويښت رنز هدف قامي ټيم شپږ وکټو په زيان پورا کړې او ميچ ئې ګټلې دې، سټار بېټر بابراعظم فارم کښې راتلو سره شاندار بيټنګ کړې او اتۀ شپيته رنز جوړولو سره ئې د ميچ ګټه کښې اهم کردار ادا کړيدې،شاهين شاه آفريدي هم شاندار بولنګ کړې او درې وکټې ئې اخستي دي ۔
د لاهور قذافي سټيډيم کښې جاري دريم او فيصله کُن ټي ټوينټي ميچ کښې پاکستان ټاس ګټلې وو او پخپله ئې د فيلډنګ فيصله کړې وه ۔
جنوبي افريقې مقرره اوورز کښې نهه وکټو په زيان يوسل نهه ديرش رنز جوړ کړي چې پکښې ټولو نه زيات ريزا هينډرکس څلويښت، کاربن بوچ ديرش اور کپتان ډونون فريري نهه ويشت رنز جوړ کړي وو ۔
پاکستان طرف نه شاهين شاه آفريدي شاندار بولنګ کړې او درې وکټې ئې په خپل نوم کړېدي ، فهيم اشرف او عثمان طارق دوه، دوه او سلمان مرزا او مځمد نواز يو، يو وکټ په خپل نوم کړې وه ۔
د جنوبي افريقې يو سل څلويښت رنز هدف قامي ټيم پورا کړې او ميچ ګټلو سره سيريز ئې هم دوه ، يو سره په خپل نوم کړېدې
پاکستان طرف نه بابراعظم شاندار بيټنګ کړې او اتۀ شپيتۀ رنز ئې جوړ کړيدي، کپتان سلمان علي آغا هم ذمه دارانه بيټنګ کړې او په دري ديرش رنز آؤټ شويدې ۔
صاحبزاده فرحان په نورلس او صائم ايوب په صفر آؤټ شوې وو، قامي ټيم دغه ميچ ګټلو سره سيريز هم دوه ، يو سره په خپل نوم کړېدې ۔
