د پاکستان،افغانستان اومتحده عرب امارات ترمينځ سه فريقي سيريز شروع شوې، د سيريز اولني ميچ کښې پاکستان په نهه ديرش رنز افغانستان ته شکست ورکړې، دپاکستان يو سل درې اوتيا رنز جواب کښې د افغانستان ټول ټيم آخري اوور کښې يو سل دري څلويښت رنز باندې آؤټ شوې دې
د متحده عرب امارات په شارجه ګراؤنډ کښې لوبيدلې د سه فريقي سيريز اولني ميچ کښې پاکستان ټاس ګټلو نه پس اول پخپله د بيټنګ کولو فيصله کړې وه ۔
پاکستان مقرره شل اوورونو کښې اووه وکټو په زيان يو سل دوه اتيا رنز جوړ کړې وو چې پکښې ټول نه زيات کپتان سلمان علي آغا دري پنځوس رنز جوړ کړي وو، صاحبزه فرحان او محمد نواز يويشت، يويشت، صائم ايوب څوارلس، فخر زمان شل، حسن نواز نهه، محمد حارث پنځلس او فهيم اشرف څوارلس رنز باندې آؤټ شوي وو ۔
افغانستان طرف نه فريد احمد دوه، مجيب الرحمان، عظمت الله عمرزئي، محمد نبي او راشد خان يو ، يو وکټ په خپل نوم کړې وه ۔
د پاکستان يو سل درې اتيا رنز هدف په تعاقب کښې د افغانستان ټول ټيم آخري اوور کښې يو سل دري څلويښت رنز باندې آؤټ شوې او پاکستان ترې په نهه ديرش رنز ميچ ګټلې دې ۔
پاکستان طرف نه حارث رؤف شاندار باؤلنګ کړې او څلور وکټې ئې په خپل نوم کړېدي، شاهين شاه آفريدي، محمد نواز او سفيان مقيم دوه، دوه وکټې اخستي او د ميچ ګټلو کښې ئې اهم کردار ادا کړېدې ۔
افغانستان لخوا ټولو نه زيات راشد خان نهه ديرش جارحانه رنز جوړ کړي وو، رحمت الله ګُرباز اتۀ ديرش، صديق الله اتل دري ويشت او درويش رسولي يويشت رنز باندې آؤټ شوي وو ۔
ميچ کښې شاندار دري پنځوس رنز جوړولو باندې د قامي ټيم کپتان سلمان علي آغا ته د ميچ د غوره لوبغاړي اعزاز ورکړي شوې دې ۔