د سه فريقي سيريز څلور ميچ کښې پاکستان په نهه شپيتۀ رنز زمبابوے ته شکست ورکړيدې، د پاکستان د يو سل شپږ نوي رنز هدف د زمبابوے ټول ټيم نورلس اوورز کښې په يو سل شپږ ويشت رنز آؤټ شوې او ميچ ئې بيللې دې، پاکستان طرف نه عثمان طارق شاندار بولنګ کړې او څلور وکټې اخستو باندې د ميچ بهترين لوبغاړې ګرځولې شويدې ۔
پنډۍ کرکټ سټيډيم کښې لوبيدلې د سه فريقي ټي ټوينټي سيريز څلورم ميچ کښې پاکستان ټاس ګټلې وو او زمبابوے خلاف ئې اول د بيټنګ فيصله کړې وه ۔
پاکستان مقرره اوورز کښې پنځه وکټو په زيان يو سل پنځه نوي رنز جوړ کړي وو، چې پکښې بابراعظم شاندار بيټنګ کړې اوڅلور اوويا رنز ئې جوړ کړېدي ،صاحبزاده فرحان هم شاندار بيټنګ کړې او دري شپيتۀ رنز باندې آؤټ شوي دې ۔
صائم ايوب په ديارلس او فهيم اشرف په درې رنز آؤټ شويدې،زمبابوے طرف نه سکندر رضا دوه وکټې په خپل نوم کړې وې ۔
د مقرره هدف په تعاقب کښې د زمبابوے ټول ټيم نورلس اوورز کښې يو سل شپږ ويشت رنز باندې آؤټ شوې او ميچ ئې بيللې دې ۔
زمبابوے طرف نه ټول نه زيات ريان برل اووۀ شپيتۀ او سکندر رضا دري ويشت رنز جوړ کړې وو، پاکستان لخوا عثمان طارق شاندار بولنګ کړې او څلور وکټې ئې په خپل نوم کړېدي، محمد نواز دوه، نسيم شاه، محمد وسيم او فهيم اشرف يو، يو وکټ اخستې وې ۔
پاکستان طرف نه عثمان طارق شاندار بولنګ کړې او څلور وکټې اخستو باندې د ميچ بهترين لوبغاړې ګرځولې شويدې
پاکستان دې سيريز کښې مسلسل دريم ميچ هم ګټلې او اوسه پورې دې ايونټ کښې ناقابل شکست دې ۔
