پاکستان د سه فريقي ټي ټوينټي سيريز خپل دوئم ميچ هم ګټلې او کوربه ټيم متحده عرب امارات ته ئې په يو ديرش رنز ماتې ورکړې ،دپاکستان دوه سوه اووه رنز جواب کښې يو اے اي اتۀ وکټو په زيان يو سل شپږ اوويا رنز جوړ کړي او ميچ ئې بيللې دې ۔
شارجه کښې لوبيدلې د سه فريقي سيريز دوئم ميچ کښې پاکستان ټاس ګټلې وو او پخپله ئې اول د بيټنګ فيصله کړي وه ۔
پاکستان مقرره اوورونو کښې دوه سوه اووه رنز جوړ کړي وو او ټول لوبغاړي آؤت شوي وو، پاکستان طرف نه ټولو نه زيات صائم ايواب شاندار نهه شپيتۀ او حسن نواز جارحانه شپږ پنځوس رنز جوړ کړي وو ۔
محمد نواز پنځه ويشت، فهيم اشرف شپاړس، حسن علي نهه، صاحبزاده فرحان اتۀ، فخرزمان شپږ، سلما علي آغا پنځه، محمد حارث يو او سلمان مرزا درې رنز جوړولو وروستو آؤټ شوي وو ۔
د متحده عرب امارات لخوا جنيد صديق او ساغر خان درې، درې او حيدر علي دوه وکټې په خپل نوم کړې وې ۔
د مقرره هدف په تعاقب کښې يو اے اي مقرره اوورونو کښې اتۀ وکټو په زيان يو سل شپږ اوويا رنز جوړ کړي او ميچ ئې بيللې دې ۔
يو اے اي طرف نه ټولو نه زيات آصف خان شاندار اووه اوويا او کپتان محمد وسيم دري ديرش رنز جوړ کړي وو، پاکستان طرف نه حسن علي درې، محمد نواز دوه، سلمان مرزا او صائم ايوب يو، يو وکټ په خپل نوم کړې وه ۔
پاکستان دې سيريز کښې مسلسل دوئم ميچ ګټلې ، دې نه وړاندې ئې تيره ورځ اولني ميچ کښې افغانستان ته شکست ورکړې وو ۔
