د پاک فوج شعبه اطلاعات عامه (آئي ايس پي آر) ډي جي ليفټيننټ جنرل احمد شريف چودهري ، د پاک فضائيه ايئر وائس مارشل اورنګزيب احمد او د پاک نيوي وائس ايډمرل رب نواز د آپريشن بنيان مرصوص تفصيلات جاري کړېدي ، دوي وئيلي چې پاک افواج قام سره کړې خپله وعده پورا کړې ، آپريشن دوران د بهارت شپږ ويشت اهداف په نښۀ کړې شوي وو، امريکې ته بهارت د جنګ بندۍ خواست کړې وو، پاکستان د ډز بندۍ خواهش نۀ وو کړې ۔
خبري غونډې ته وينا کښې ډي جي آئي ايس پي آر ليفټننټ جنرل احمد شريف وئيلي دي چې پاک فوج ډير مهارت سره بنيان مرصوص آپريشن کړې، چې پکښې عامه آبادي نۀ ده په نښه کړې شوې، پاک فوج سره مزيد نورې هم داسې ټيکنالوجيز دي چې راتلونکي وخت کښې هم دنيا حيرانولې شي ۔
ډي جي آئي ايس پي آر زياته کړي چې بهارتي حملو کښې د پاکستان ماشومان او زنانه په نښۀ کړې شوي ، پاک فوج فضا، زمکائي او سمندر کښې هم کاميابې سره خپل اهداف تباه کړي ،پونچهه سيکټر کښې هم د بهارت ريډار هم تباه کړې شويدې ،پاکستان په بهارت کاميابۍ سره سائبر حملې هم کړي ،نوې دلي او ګجرات پشمول د بهارت يو شمير ښارونو کښې د پاک فوج ډرون پروازونه کړېدي ۔
هغه مخکښې اووئيل چې الحمدالله فوج د پاکستاني اولس سره کړې وعده سر ته رسولې او د فتح ون او ټو ميزائل استعمال سره ئي بهارت کښې فوجي تنصيبات او د ترهه ګرو ټهکانې پشمول شپږ ويشت هدفونه په نښه کړي ۔
ډي جي آئي ايس پي آر مخکښې اووئيل چې آپريشن بنيان مرصوص کښې د بهارت ايس 400 نظام او ريډار سسټم تباه کړې شويدې ۔
هغه زياته کړې چې پاک فوج بهارت او مقبوضه کشمير کښې شپږ ويشت فوجي اهداف په نښۀ کړې ،چې پکښې سورت ګړهه، سرسه، آدم پور، پټهان کوټ، برناله،سري نګر،امباله او اودهم پور شامل دي ،پاک فوځ دښمن خلاف الفتح ون او الفتح ټو ميزائل استعمال کړې ۔
ترجمان پاک فوج زياته کړې چې مسلح فوج د وزيراعظم، وفاقي کابينې، سياسي مشرانو او بهادر قام شکريه ادا کوي، د وطن دفاع لپاره شهيد شوؤ کسانو ته خراج عقيدت وړاندې کوؤ، د پاکستان په کاميابې د الله تعالې شکريه ادا کوؤ ۔
په دې موقع د پاکستان نيوي وائس ايډمرل ربنوازاووئيل چې مونږ مسلسل څليريشت ګهنټو راهسې د سمندري حدود مانيټرنګ کولو،مونږ سمندري اړخ نه هر قسمه جارحيت بهرپور جواب ورکولو ته تيار وو ۔
د پاک فضائيه ايئر وائس مارشل اورنګزيب اووئيل چې مونږ د ټولو اسرائيلي ساخته ډرونز نشاندهي کړې او تباه کړې مو دي، نورلس سوه يو اوويايم نه پس په اول ځل پاک فضائي ته د بارډر نه بهر تلو موقع ميلاؤ شوې ۔
