اسلام آباد(عثمان مايار)
بيجنګ کښې د پاکستان،افغانستان او چين خارجه وزيرانو ترمينځ سه فريقي مذاکرات شويدي چې پکښې د علاقې امن او استحکام په حواله مهمې فيصلې شويدي ۔
وزير خارجه او نائب وزيراعظم اسحاق ډار دې اهم مذاکراتو کښې د پاکستان د وفد مشري کوله، د افغانستان د وفد مشري افغان خارجه وزير مولوي امير خان متقي او د چين مشري وانګ ژي کوله ۔
د خارجه وزارت لخوا جاري شوي بيان کښې وئيلي شويدي چې درې واړو خارجه وزيرانو د سيمې سيکيورټۍ،سفارتي تعلقات مضبوطولو او سي پيک منصوبې افغانستان پورې غزولو باندې اتفاق کړېدے ۔
د مذاکراتو دوران باهمي تجارت ته وده ورکول،علاقائي امن او اقتصادي پرمختګ لپاره دا قسمه رابطې جاري ساتلو په معاملو غور شوېدے او فيصله شوې چې د خارجه وزيرانو شپږم سه فريقي مذاکرات به په کابل کښې کيږي ۔
د دې مذاکراتو لپاره د وخت او نيټې تعين به وروستو کيږي ۔
درې واړو خارجه وزيرانو د ترهه ګرۍ د خاتمے لپاره مشترکه کوششونه کولو باندې هم اتفاق کړېدې ۔
په داسې مهال چې سيمه د عدم استحکام ښکار کولو لپاره د جنګي جنون ښکاربهارتي وزيراعظم نريندر مودي عزائم د پاکستان لخوا خاورو سره خاورې کړي شويدي د درې واړو ملکونو د خارجه وزيرانو دا مهمه ناسته خصوصي اهميت لري ۔
دې سه فريقې اجلاس کښې په پاکستان د حملو ناکامه کوشش کونکې مودي سرکار لپاره واضح پيغام او اشاره ملاؤ شويده چې د سيمې هيڅ يو ګاونډې ملک په منطقه کښې نوي جنګ نه غواړي ۔
هم دغه وجه ده چې بيجنګ کښې دا ناسته ډير په ښه ماحول کښې شويده او درې واړو ملکونو فيصله کړيده چې د امن او استحکام خرابولو هر سازش او خطرې مخ نيوي به په شريکه کولې شي ۔
