د ګلګت بلتستان هډور کلي سره نيزدي د پاک فوج يو تربيتي هيلي کاپټر کريش شوے، پيښه کښې دوه ميجرز پشمول پنځه اهلکار شهيد شويدي، آئي ايس پي آر مطابق هيلي کاپټر تربيتي مشن باندي وو، چي د فنۍ خرابۍ له وجي د پيښے ښکار شوې ۔
د پاک فوج اطلاعاتو شعبې آئي ايس پي آر له لوري جاري بيان کښې وئيلي شوي چې ګلګت بلتستان کښې د پاک فوج ايم آئي سيونټين هيلي کاپټر غورځيدو پيښه نن سهر لس بجے مخې ته راغلې ده ۔
آئي ايس پي آر ترمخه پيښۀ کښې دوه ميجرانو پشمول پنځه اهلکار شهيدان شوي دي، شهدا کښې ميجر عاطف، ميجر فيصل ، فلائت انجينئر نائب صوبيدار مقبول، د هيلي کاپټر عملې چيف حوالدار جهانګير او عملې چيف نائيک عامر شامل دي ۔
آئي ايس پي آر وائي چې تربيتي مشنز د آرمي ايوي ايشن معمول سرګرميانو حصه ده، ولې هيلي کاپټر د فني خرابۍ لوجي د پيښې ښکار شويدې ۔
بلخوا وزيراعظم شهبازشريف، داخله وزير محسن نقوي، ګورنر او وزيراعلیٰ خېبرپښتونخوا د تربيتي هيلي کاپټر په حادثه د افسوس اظهار کړې، او د پحق رسيدلي اهلکارانو او افسرانو درجاتو بلندۍ لپاره ئې دعا هم کړيده ۔
