ضلع خېبر کښې پاک افغان طورخم پوله پاکستان کښې ميشتۀ غير قانوني افغانانو واپسۍ لپاره دوباره کولاؤ کړې شويده، د خېبر ډپټي کمشنر مطابق دغه پوله صرف د افغانانو واپسۍ لپاره خلاصه کړې شوې، او تجارت او نور تګ راتګ به فې الحال بند وي ۔
د پاکستان او افغانستان طورخم پوله غير قانوني ميشتۀ افغانانو واپسۍ لپاره په عارضي توګه کولاؤ کړې شويده، د ضلع خېبر ډپټي کمشنر بلال شاهد وئيلي دي چې دغه پوله صرف افغان کډوالو واپسۍ لپاره کولاؤ کړې شوې، پوله باندې به هر قسمه تجارت او د عام خلقو تګ راتګ بند وي ۔
انتظاميې ترمخه پاک افغان طورخم پوله شل ورځې پس دوباره خلاصه کړې شوې ، چې پاکستان کښې غير قانوني ميشتۀ افغان کډوالو د واپسۍ عمل جاري اوساتلې شي ۔
بلاول شاهد مطابق يو شمير افغان وګړي طورخم پوله باندې اميګريشن سينټر ته رسيدلي چرته چې د اميګريشن سينټر عمله د افغان وګړو دستاويز کاروائي مکمل کوي او هغوي افغانستان ته ليږلې کيږي ۔
هغۀ اووئيل چې طورخم پوله د تجارت او د عام خلقو تګ راتګ لپاره تردې دمه هيڅ فيصله نۀ ده شوې، طورخم پوله په يولسم اکتوبر د پاکستان او افغانستان ترمينځ تاؤ تريخوالي لوجې بنده کړې شوې وه ۔
