جمرود کښې د علي جومات په سیمه کښې لوئې سېلابي رېله راغلې چې لوجې ئې پاک افغان لویه لاره زیانمن شوې او د ټريفیک تګ راتګ هم بند شوېدې ۔
د جمرود مختلفو سیمو کښې سخت بارانونه ورېدلي او په برساتې نالو کښې د اوبو سطح ډېره لوړه شوې ده ۔
په بېلابېلو ځایونو کښې د پاک ـ افغان لویه لاره د کارګو او نورو ګاډو په ګډون د هر ډول تګ راتګ لپاره تړل شوې ده ۔
علی مسجد ، جبہ او نورو سیمو کښې ګڼ شمېر ګاډو ته هم سيلابي اوبو لوئې زيان رسولې او بعضې ګاډې اوبو ځان سره هم تښتولي دي ۔
سيلابي اوبه سيمه کښې مقامي آبادۍ کښې کورونه ته هم ورننوتي دي چې لوجې ئې کورونو ته هم زيان رسيدلې دې ۔
د سيمې خلقو غوښتنه کړې چې ضلعي اداره، هائي وے او ریسکیو ادارې دې د بیړنیو مرستو او بحالۍ لپاره سمدستي اقدامات پورته کړي ، تر څو په پاک ـ افغان لویه لاره ټريفیک بیرته روان شي ۔
