اپوزيشن اتحاد د پي ټي آئي باني صحت سهولتونو نشتوالي خلاف پارليمنټ کښې جاري خپله دهرنا ختمولو اعلان کړې، محمود خان اچکزئۍ او راجه ناصر عباس د پخواني وزيراعظم صحت په حواله د تشويش لوجې دغه دهرنا شروع کړې وه، دوي وئيلي چې اپوزيشن ډلې په خپل مقصد کښې کاميابې شويدي، اپوزيشن مشرانو د پي ټي آئي باني سره ملاقاتونو باندې بنديز د ختمولو مطالبه کړيده .
اسلام آباد: د پارليمنټ هاؤس نه بهر ميډيا سره خبرو پر مهال سينيټ کښې اپوزيشن ليډر علامه راجه ناصر عباس وئيلي چې پارليمنټ کښې ورکړې شوې دهرنا ختموؤ، د اسمبلۍ غړو د باني صحت په لړ کښې احتجاج کړې ،مونږ د صحت معامله عدالت ته وړې وه ،زمونږ غوښتنه هم دا وه چې باني ته دې د ذاتي ډاکټرانو رسائي ورکړې شي ۔
اپوزيشن ليډر مطابق مونږ اوليدل چې د پارليمنټ نه جيل خانه جوړه کړې شوې وه ، مونږ پارليمنټ نه بهر تللو چې لارې بندې کړې شوې ۔
علامه راجه ناصر عباس زياته کړې چې پارليمنټ کښې احتجاج لوجې په مونږ ډير بنديزونه لګولي شوي،د باني سترګې په اړه چې کله خبر راغلو نو محمود اچکزئۍ وئيل بهوک هړتال به کولي شي ،مونږ هم ځکه احتجاج کولو چې باني ته دې د ذاتي ډاکټرانو رسائي ورکړې شي ۔
هغۀ دا هم اووئيل چې د باني پي ټي آئي د خويندو جذبات درست دي ،د ملاقات اجازت دې ورکړې شي، د باني سترګو بهتري زمونږ اميد دې، هغه دې د اسلام آباد لوئې شخصي هسپتال ته منتقل کړې شي ۔
