پاکستان او ازبکستان ترمينځ مختلفو شعبو کښې په اتۀ ويشت لوظنامو او مفاهمتي ياد داشتونو لاسليک شوېدې، وزيراعظم شهبازشريف او ازبکستان صدرپه مشترکه اعلاميه لاسليک کړې،پاکستان او ازبکستان دوه اړه خيزه تجارت دوه ارب ډالرز پورې رسولو باندې اتفاق کړې،وزيراعظم شهبازشريف وئيلي چې پاکستان او ازبکستان ترمينځ ملګرتيا د باهمي احترام، اعتماد او مشترکه مفادات باندې مبني ده، دواړه ملکونه به منطقه کښې امن، استحکام او خوشحالۍ لپاره په شريکه کار کوي، ازبکستان صدر وئيلي چې پاکستان زمونږ نيزدې ملګرې او قابل اعتماد شراکت دار دې ۔
اسلام آباد: وزيراعظم هاؤس کښې د پاکستان او ازبکستان ترمينځ مفاهمتي ياد داشتونو باندې د لاس ليک دستوره شوې، د دواړو ملکونو خارجه وزارت ترمينځ د تعاؤن سيوا کولو مفاهمتي ياد داشت تبادله شوې، په انټر ريجنل فورم قائمولو لوظنامې لاسليک شوېدې ۔
پاکستان او ازبکستان ترمينځ سزايافته کسانو تبادلې لپاره د لوظنامې دستاويز تبادله شوېده، آئي ټي شعبه کښې تعاؤن لپاره دواړو ملکونو ترمينځ مفاهمتي يادداشت باندې لاسليک شوېدې، نشه آور ادوياتو سمګلنګ مخنيوې معاهده هم شوې ده ۔
ادويه سازۍ شعبه کښې تعاؤن لپاره دواړو ملکونو ترمينځ مفاهمتي يادداشت تبادله شوې، ازبکستان صدر شوکت مرزائيوف ته د ډاکټريټ اعزازي ډګري هم ورکړې شوېده ۔
په دې موقع وزيراعظم شهبازشريف اووئيل چې پاکستان او ازبکستان ترمينځ ملګرتيا د باهمي احترام، اعتماد او مشترکه مفادات باندې مبني ده، دواړه ملکونه به خطې کښې امن، استحکام او خوشحالۍ لپاره په شريکه کار کوي ۔
وزيراعظم د کشمير او فلسطين په حمايت د ازبکستان صدر شکريه ادا کړې او وئيلي دي چې پاکستان په منطقه کښې اوږد مهاله امن او ترقۍ لپاره مشترکه کوششونو باندې يقين ساتي، وزيراعظم د دواړو ملکونو ملګرتيا ته وده ورکولو عزم څرګند کړېدې ۔
په دې مهال د ازبکستان صدر شوکت مرزائيوف اووئيل چې نن ورځ زما لپاره هميشه د ياد ساتلو ده، بهر پور استقبال او په شاندار ميزبانۍ د وزيراعظم شهبازشريف شکريه ادا کوؤ، ډاکټريټ ډګري ميلاويدل د اعزاز خبره ده ۔
مائننګ يونيورسټې کښې به نسټ چيئر قائمولې شي، پاکستان زمونږ نيزدې ملګرې او قابل اعتماد شراکت دار دې، سائنس او ټيکنالوجې شعبو کښې به تعاؤن سيوا کوؤ ۔
