باجوړ کښې د ترهه ګرو خلاف فوجي آپريشن شروع شويدې، ګن شپ هيلي کاپټرو د تحصيل ماموند په مختلفو سيمو شيلنګ کړې ،بلخوا د خلقو نقل مکانۍ سلسله هم جاري ده، ولې د متاثرينو لپاره حکومت لخوا انتظامات د نشت برابر دي، د دغه خلقو لپاره فلاحي تنظيمونو له طرف د خوراک او نور ضرورياتو بندوبست روان دې ۔
باجوړ کښې د ترهه ګرو خلاف فوجي آپريشن باقاعده آغاز شويدې، د تحصيل ماموند مختلفو سيمو کښې سيکيورټي فورسز ګن شپ هيلي کاپټرو شيلنګ کړې، ذرائعو وئيلي چې شيلنګ کښې ځاني زيان اطلاع نۀ ده ميلاؤ شوې ۔
د باجوړ ماموند تحصيل په اووه ويشت سيمو کښې درې ورځو لپاره کرفيو هم نافذ کړې شوې، خلقو ته خپل کورونو پورې محدود اوسيدو هدايت شويدي ۔
بلخوا ماموند مختلفو علاقو نه د خلقو نقل مکانۍ سلسله هم جاري ده، په ګنړ شمير کښې خلقو کډې کړيدي، دغه خلق په سرکاري سکولونو او سپورټس کمپلکس کښې قائم عارضي کيمپونو کښې ديره کړې شويدي ۔
د متاثرين لپاره حکومت لخوا انتظامات د نشت برابر دي، فلاحي تنظيمونه د متاثرينو لپاره د خوراک او نور بنيادي ضرورياتو پورا کولو کوشش کوي ۔
محکمه صحت اور ريسکيو لخوا متاثرينو لپاره باجوړ سپورټس کمپلکس کښې ميډيکل کيمپ هم لګولې شويدې ،متاثرينو مطالبه کړې چې صوبائي حکومت دې د دوي مرسته اوکړي او بنيادي ضروريات دې ورته فراهم کړې شي ۔
