ايشياکپ کښې ميچ ريفري اينډي پائي کرافټ پاکستان ټيم کپتان او مينجر نه معافي غوښتې، او د پاک بهارت ميچ ټاس دوران شوې لانجه ئې مس کميوني کيشن ګرځولې، بلخوا د پي سي بي موجوده چيئرمين محسن نقوي او پخواني چيئرمين نجم سيټهي او د قامي ټيم پخواني کپتان رميز راجه وئيلي چې لوبې د سياست نه لرې ساتل پکار دي، لوبې او سياست يوځائې نشي چليدې ۔
دبئي: ايشياکپ کښې پاک بهارت ميچ دوران شوې د قواعدو خلاف ورزۍ په معامله ميچ ريفري اينډي پائي کرافټ پاکستان ټيم کپتان او مينجر نه معافي غوښتې، او د پاک بهارت ميچ ټاس دوران شوې لانجه ئې غلط فهمي ګرځولې ده
د پائي کرافټ د معافۍ نه پس به آئي سي سي د پاک بهارت ميچ دوران د قواعد خلاف ورزۍ انکوائري کوي، پاکستان د ريفري معافۍ غوښتو او د معاملې انکوائري په موقف کلک اودريدولې وو او د ايشيا کپ نور ميچونو نه ئې د بائيکاټ اعلان هم کړې وو ۔
بلخوا د ميچ ريفري لخوا قواعد خلاف ورزي او د پاکستان ايشيا کپ کښې ميچونه اجري ساتلو په معامله لاهور کښې د چيئرمين پي سي بي محسن نقوي مشرۍ کښې اهمه غونډۀ شوې چې پکښې پخواني کپتان رميز راجه او د کرکټ بورډ پخوانې چيئرمين نجم سيټهي هم موجود وو ۔
د پي سي بي چيئرمين محسن نقوي وئيلي دي چې ميچ ريفري د پاکستان نه معافي غوښتې، او آئي سي سي په څوارلسم ستمبر ميچ کښې د قواعد خلاف ورزو انکوائري کولو يقين دهاني کړېده ۔
پخواني کپتان رميز راجه وئيلي چې کرکټ ته صرف د کرکټ په نظر کتل پکار دي، لوبو کښې سياست نۀ دې پکار، د ريفري معافي غوښتل لوبو د پاره ښۀ خبره ده ۔
نجم سيټهي وئيلي چې لوبو نه سياست لرې ساتل پکار دي، کرکټ او سياست يو ځائې نشي چليدې ۔
