د خېبر ټي وي اسلام آباد سينټر اينکرپرسن شبانه لياقت المعروف شبانه سره د خپل خاوند او درې بچو ګلګت بلتستان کښې سيلابونو دوران بے درکه شوې او تردې دمه ئې هيڅ درک نۀ دې لګيدلې، د ګلګت ريسکيو چارواکو وئيلي چې بابو سر ټاپ کښې د سپنا د ګاډې د سيلابي ملبې نه ميلاؤ شوې، ولې نور پکښې هيڅ هم نۀ دي ترلاسه شوي ۔
ګلګت: د خېبر ټي وي اسلام آباد سينټر نامتو اينکر پرسن شبانه لياقت عرف سپنا د خپل خاوند او درې بچو سره په يوشتمه جولائۍ سيل لپاره ګلګت بلتستان ته تلې وه، او تردې دمه ئې نۀ څه درک لګيدلې او نۀ ئې موبائل ميلاويږي ۔
بلخوا تيره ورځ سيمه کښې د ريسکيو ټيم يو کس ته د سيلابي ملبې نه د نارينو يو پرس ميلاؤ شوې ، ريسکيو اهلکاران وائي چې دغه پرس د ايم خان نومي ماشوم دې، چې پکښې د هغه د پلار نوم لياقت علي ليکلې شوې دې ۔
د ګلګت ريسکيو چارواکو وئيلي چې بابو سر ټاپ کښې د سپنا د ګاډې د سيلابي ملبې نه ميلاؤ شوې، ولې نور پکښې هيڅ هم نۀ دي ترلاسه شوي ۔
دې سلسله کښې د ګلګت بلتستان حکومت ترجمان فيض الله فراق وئيلي چې سيلابونو او لينډ سلائيډنګ دوران دولس پورې کسانو بے درکه کيدو اطلاعات مخې ته راغلي ،او د دوي لتون لپاره ريسکيو کاروائيانې جاري دي ۔
عيني شاهدينو ترمخه دغه پرس کښې د شبانه يو شناختي کارډ هم ميلاؤ شويدې
