د خېبرپښتونخوا حکومت سرکاري هيلي کاپټرمومند کښې تباه شويدې، وزیر اعلیٰ علي امين ګنډاپور د ايم آئي سيونټين هيلي کاپټر تباه کيدو پيښې تصديق کړې او وئيلي دې چې پيښه کښې دوه پائلټ پشمول د عملې پنځه کسان شهيدان شويدي
پيښور: وزیر اعلیٰ علي امين ګنډاپور مطابق د خېبرپښتونخوا حکومت سرکاري هيلي کاپټرمومند کښې تباه شويدې، پيښه کښې دوه پائلټ پشمول د عملې پنځه کسان شهيدان شويدي ۔
علي امين ګنډاپور مطابق ايم آئي سيونټين نومې هيلي کاپټر د پيښور نه د باجوړ متاثرينو لپاره سامان رسولو وروستو واپسۍ باندې چينګۍ بانډا سيمه کښې د پيښې ښکار شويدې ۔
وزیر اعلیٰ علي امين ګنډاپور په دغه پيښه سبا صوبه کښې د سوګ نمانځلو اعلان هم کړې دې، بلخوا ريسکيو ټيمونو د شهيدانو مړي پيښور ته رسولي دي ۔
