د سپریم کورټ د مخصوص نشستونو په اړه فیصله راتللو نه پس په خیبرپښتونخوا اسمبلۍ کښې د اپوزشن غړو شمیره اووه ویشت نه دری پنځوس ته رسیدلې چې د صوبائي حکومت لپاره د خطرې علامت دې، د تحریک عدم اعتماد لپاره درې اوویا غړو ضرورت دې، اپوزشن ډلو ته د اسمبلې غونډه د رابللو لپاره اختیار هم ترلاسه شويدې،عدالتي فيصلې نه پس اپوزشن د ریکوزيشن دلارې د اسمبلۍ غونډه رابللې شي ۔
د سپريم کورټ فيصلې نه پس خېبرپښتونخوا اسمبلۍ کښې مخصوص نشستونه به مسلم ليګ ن، جے يو آئي، پيپلز پارټي، اے اين پي او پي ټي آئي پي ته ميلاويږي ۔
خېبرپښتونخوا اسمبلۍ کښې د مخصوص نشستونو شميره پنځه ويشت ده، چې پکښې د زنانؤ يويشت او د اليتونو څلور سيټونه شامل دي ۔
صوبائي اسمبلۍ کښې د مسلم ليګ ن او جے يو آۍي اراکينو شميره اووه، اووه ده او فارمولې مطابق به دغه دواړو پارټو ته اووه، اووه مخصوص نشستونه هم ميلاويږي ۔
دغه شان پيپلز پارټۍ ته به په څلور سيټونو څځلور مخصوص نشستونه ميلاويږي، اے اين پي ته به په دوه سيټونو يو او پي ټي آئي پارليمنټيرينز ته به هم په دوه سيټونو يو مخصوص نشست ترلاسه کيږي ۔
د زنانؤ باقي پاتې کيدونکې يو مخصوص نشست باندې به اليکشن کميشن آف پاکستان فيصله کوي ،د اقکليتونو څلور سيټونو کښې به دوه مسلم ليګ ن او دوه به جميعت علما اسلام ته ميلاويږي ۔
