خېبرپښتونخوا کابينې محکمه تعليم کښې د استاذانو لپاره د اي ټرانسفر پاليسۍ دوه زره پنځه ويشتم منظوري ورکړيده،وزيراعلیٰ سهيل آفريدي د صوبې نورو محکمو کښې هم ميرټ باندې مبني ټرانسفر پاليسي جوړولو هدايت کړې دې .
پيښور کښې صوبائي کابينې په محکمه تعليم کښې د استاذانو د اي ټرانسفر پاليسۍ منظوري ورکړيده، د خېبر پښتونخوا وزيراعلیٰ محمد سهيل آفريدي نوې اي ټرانسفر پاليسي يو انقلابي ګام بللې او وئيلي دي چې په صوبه کښې د استاذانو په پوسټنګ او ټرانسفر باندې پابندي عائد کړے شوې۔
سهيل آفريدي اووئيل چې د څلور سوو نه سيوا سفارشونه په دې لړ کښې د صوبائي حکومت ته ترلاسه شوي چې پکښې يو سفارش هم نۀ دې تسليم کړې شوې ۔
هغۀ اووئيل چې د نوې پاليسۍ ترمخه به د معذورو، کونډو، او ښځه خاوند تعيناتۍ لپاره به هم اي ټرانسفر پاليسي پکار راوستلې شي ۔
وزيراعلیٰ وئيلي چې نورو سرکاري محکمو کښې به هم اي ټرانسفر پاليسي متعارف کولې شي او په دې لړ کښې د محکمه تعليم نه پس محکمه صحت د صوبائي حکومت وړومبۍ ترجيح ده،ولې چې په صوبه کښې د صحت او تعليم شعبو کښې بهتري راوستل د صوبائي حکومت وژن دې ۔
