د وزيراعلیٰ خېبر پښتونخوا علي امين ګنډاپور مشرۍ کښې شوې د کابينې اجلاس کښې فيصله شوې چې غريبانانو، يتيمانو او خواجه سراو ته به په شفاف طريقې سره رمضان پيکج ورکولې شي،دې نه علاوه د ترهه ګرۍ نه متاثره غريب خاندانونه او معذور کسانو ته به خصوصي ريليف ورکولې کيږي ۔
په دې موقعه د وزيراعلیٰ وينا وه چې د پيکج تقسيم دې د پنځلسم رمضان نه وړاندې مکمل کړے شي، د صوبي ټول خواجه سراو ته دې پيکج ورکړے شي، او سرکاري ملازمينو ته دې تنخواګانې او پينش په پنځه ويشتمه فرورۍ ورکړے شي ۔
اجلاس کښې د ارباب نياز کرکټ سټيډيم نوم د عمران خان سټيډيم کښې بدلولو، کيډټ کالج سوات فيز ټو لپاره د زمکي اخستو او محکمه اوقاف لپاره د ګرانټ منظوري هم ورکړے شويده ۔
اجلاس کښې ايلمينټري اينډ سيکنډري ايجوکيشن فاونډيشن دري زره شپږ سوه اته اوويا استاذانو لپاره يو زر اته ويشت ميلين روپۍ جاري کولو فيصله شويده ۔
دې نه علاوه بس اډو کښې د بهترين انسپکشن لپاره د وهيکل رولز نورلس سوه يو کم اوويايم او سائنس او ټيکنالوجي لپاره خېبر پښتونخوا ګورنمنټ رولز آف بزنس نورلس سوه پنځه اتيايم کښې تراميمو منظوري ورکړے شويده ۔
اجلاس کښې د بي ايس نرسنګ ګريجويټس لپاره ماهانه د يوديرش زره روپو انټرنشپ منظوري هم ورکړے شوې ده ۔
